سوال

اپنے امام صاحب اور کچھ بزرگوں سے مشاورت ہوئی تو ان کی یہ رائے سامنے آئی اور زبانی طور پر امام صاحب نے بھی یہ رہنمائی فرمائی کہ چاہے ایک آدمی کے 10بچے ہوں اور ان میں سے ایک کمائے اور باقی کے کھائیں لیکن جب ترکہ تقسیم ہو گا تو سب کو برابر ملے گا اور اصولاً بڑے بھائیوں کو چھوٹے بھائیوں کی شادیوں میں کئے گئے اخراجات میں تعاون کرنا پڑے گا ،یہ ان کی رائے تھی۔اب بڑے والے بھائیوں کا یہ مطالبہ ہے کہ جو ہم نے اپنے لئے اپنے نام سے جو بھی مکان ،پلاٹ اور زمین خریدی ہیں وہ صرف ہماری ملکیت ہے اور اس کا ترکہ میں شمار نہیں ہو گا اور نہ ہی اس کا ترکہ سے کوئی تعلق ہے ۔ لہذا ترکہ میں صرف یہ ایک ہی مکان ہے کیا ان سب بھائیوں کا جو بڑے ہیں یہ فیصلہ حق ہے؟

اَلجَوَابْ بِاسْمِ مُلْہِمِ الصَّوَابْ

امام صاحب کی بات درست  ہے کہ بچوں نے کماکر  باپ کو  مالک بناکر دیدئے اسکا باپ مالک بن گیا اب والد  کے انتقا ل کے وقت جومال بھی اس کی ملک میں ہوگا  وہ  تمام مال  شرعی ورثہ کے درمیان تقسیم ہوگا ۔ جیسا کہ سوال نمبر ۸کے جواب میں لکھا جاچکاہے کہ چھوٹے بھائیوں کی شادی میں تعاون کرنا  بڑے بھائیوں پر شرعا لازم تو نہیں ہے تاہم اخلاقا بڑے بھائیوں کو چاہئے  کہ چھوٹے بھائیوں کی شادی کے خرچہ میں حصہ ملائیں ۔

حوالہ جات

۔۔۔۔۔۔۔۔

واللہ سبحانہ وتعالی اعلم