ہمارے علاقے میں ایک سرکاری پارک ہے،کئی عرصہ سے اس کی دیکھ بھال نہیں ہوئی جس کی وجہ سے وہ اجڑ چکا ہے۔ ایک صاحب نے اس پارک پر قبضہ کرلیا ہے۔ ان کا کہنا ہے کہ پہلے اس میں گندا پانی کھڑا رہتا تھا، میں نے اس کو صاف کیا ہے۔ اب اس میں سبزی اگاؤں گا۔اس سے یہ پاک صاف رہے گا اور علاقے سے گندگی دور ہوگی۔ ان کا ایسا کرنا کیسا ہے؟
اَلجَوَابْ بِاسْمِ مُلْہِمِ الصَّوَابْ
سرکاری پارک کو اپنے ذاتی استعمال میں لانا درست نہیں۔ یہ غصب کے حکم ہے۔کسی زمین پر ناحق قبضہ کرنے پر حدیث میں سخت وعید آئی ہے۔ایک حدیث میں ہےکہ جو شخص کسی زمین پر ناحق قبضہ کرے گا تو قیامت کے دن اس کو مجبور کیا جائے گا کہ وہ اس زمین کی مٹی کو میدان محشر میں اٹھا کر لائے۔
اگر حکومت کی طرف سے پارک کی صفائی کا کوئی انتظام نہیں ہے۔ تو علاقے والوں کو چاہیے کہ وہ خود پارک کی صفائی کا خیال رکھیں۔ لیکن کسی کا اس طرح کرنا کہ پارک صاف کرنے کے بہانے اس پر قبضہ کرنا شرعاً درست نہیں۔
