80877 | سود اور جوے کے مسائل | سود اورجوا کے متفرق احکام |
سوال
موبائل فون قسطوں پر خریدنا چاہتا ہوں اس کے لیے مجھے کریڈٹ کارڈ کی ضرورت ہے اور میں موبائل آن لائن ویب سائٹ پر خرید رہا ہوں وہ ویب سائٹ مجھے ایک بینک کے تعاون سے چھے مہینوں کی قسطوں پر تقریبا 8 پرسنٹ سروس چارجز لے رہی ہے کیا اس مقصد کے لیے میرا کریڈٹ کارڈ بنانا جائز ہے اور اور بینک کو یہ سروس چارجز دینا بھی جائز ہے ؟ اور مجھے یہ امید بھی ہے کہ میں بینک کو ماہانہ قسط مقررہ تاریخ سے پہلے ادا کروں گا تاکہ مجھ سے سود نا لیا جائے
اَلجَوَابْ بِاسْمِ مُلْہِمِ الصَّوَابْ
بلاضرورت شدیدہ سودی بینک کاکریڈٹ کارڈ بنوانا اوراستعمال کرناجائزنہیں،کیونکہ اس میں سودکی بنیادپرمعاہدہ ہوتاہے،تاہم اگرکسی جگہ ضرورت ہواورڈیبٹ کارڈ وغیرہ سےگزارانہ چل سکتاہوتواس صورت میں جائز مقاصد کےلیےکریڈٹ کارڈکےاستعمال کی درج ذیل شرائط کےساتھ اجازت ہوگی:
۱۔کسٹمروقت معین سے پہلےپہلےاس رقم کی ادائیگی کااہتمام کرےتاکہ سود عائدہونےکاامکان باقی نہ رہے۔
۲۔کسٹمراس کارڈ کو غیر شرعی امورمیں استعمال نہ کرے۔
۳۔اگرضرورت ڈیبٹ کارڈ سے پوری ہورہی ہوتوبہتریہ ہےکہ اس کارڈ کواستعمال نہ کرے۔
صورت مسئولہ میں اگرمذکورہ بالا شرائط کو ملحوظ رکھ کر بینک سےکریڈٹ کارڈ لیاجائےتواس کواستعمال کیاجاسکتاہے،ایسی صورت میں بینک کی طرف سےجوچارجز پروسیسنگ فیس(اس کارڈ کےاجراء کےحقیقی اخراجات )کی مدمیں وصول کیےجاتےہیں،ان کاحکم اجرت کا ہوتاہے،لہذایہ سودکےزمرےمیں نہیں آتا،اس کی ادائیگی شرعاجائزہے،کوئی حرج نہیں۔
حوالہ جات
"المعاییر الشرعیۃ"رقم 2،المادۃ 4/2:
یجو زللمؤسسات المصدرۃ للبطاقۃ ان تتقاضی عمولۃ من قابل البطاقۃ بنسبۃ من ثمن السلع والخدمات۔
وفی المادۃ 4/2:
یجوز للمؤسسات المصدرۃ للبطاقۃ ان تتقاضی من حامل البطاقۃ رسم عضویۃ ،ورسم تجدید ورسم استبدال ۔
"المعاییرالشرعیۃ"رقم 19۔المادۃ 9/1:
یجوز للمؤسسۃ المقرضۃ ان تاخذ علی خدمات المقروض مایعادل مصروفیاتہا الفعلیۃالمباشرۃ ،ولا یجوز لہا ان تاخذ زیادۃ علیہا،وکل زیادۃ علی المصروفیات الفعلیۃ محرمۃ ۔ویجب ان تتوخی الدقۃ فی تحدید المصروفیات الفعلیہ بحیث لا یؤدی الی زیادۃ تئول الی فائدۃ ۔والاصل ان یحمل کل قرض بتکلفتہ الخاصۃ بہ الا اذا تعسرذالک،کمافی اوعیۃ الاقراض المشترکۃ ،فلامانع من تحمیل التکالیف الاجمالیۃ االمباشرۃ عن جمیع القروض علی اجمالی المبالغ۔
فی المعاییرالشرعیۃ:
یجوز للمؤسسات اصدار بطاقۃ الحسم الفوری مادام حاملھا یسحب من رصیدہ،ولایترتب علی التعامل بھا فائدۃ ربویۃ ۔
یجوز اصدار بطاقۃ الاتمان والحسم الآجل بالشروط الآتیۃ :
- الایشترط علی حامل البطاقۃ فوائدربویہ فی حال تاخیرہ عن سداد المبالغ المستحۃ علیہ ۔
- ان تشترط المؤسسۃ علی حامل البطاقۃ عدم التعامل بھا فیماحرمۃ الشریعۃ وانہ یستحق للمؤسسۃ سحب البطاقۃ فی تلک الحالۃ ۔
ولایجوز للمؤسسات اصدار بطاقات الائتمان ذات الدین المتجدد الذی یسدد حامل البطاقۃ علی اقساط آجلۃ بفوائد ربویۃ ۔
محمدبن عبدالرحیم
دارالافتاءجامعۃ الرشیدکراچی
12/محرم 1445ھج
واللہ سبحانہ وتعالی اعلم
مجیب | محمّد بن حضرت استاذ صاحب | مفتیان | آفتاب احمد صاحب / سیّد عابد شاہ صاحب |