سوال

کیا فرماتے ہیں مفتیان کرام اس مسئلہ  کے بارے میں کہ  ایک شخص کا انتقال ہوا۔ اس کے ورثاء میں4 بیٹے اور 3 بیٹیاں ہیں ۔ چاروں بھائیوں نے والد کی مکمل جائیداد آپس میں تقسیم کرلی اور بہنوں کو کوئی حصہ نہیں دیا۔کچھ سال گزرنے کے بعد ایک بھائی کو احساس ہوا اور وہ اب اپنی بہنوں کو اپنے اس مال میں سے  جو اس کو وراثت میں ملا تھا ، حصہ دینا چاہتا ہے ، دیگر بھائی نہیں دے رہے۔ اب اس کا کیا طریقہ کار ہوگا ؟ کیا  وہ اپنا مکمل شرعی حصہ جو اس کا بنتا ہے ، وہ ہ رکھ کر بقیہ اپنی بہنوں میں برابر تقسیم کردے یا کوئی اور طریقہ کار ہوگا ؟

اَلجَوَابْ بِاسْمِ مُلْہِمِ الصَّوَابْ

صورت مسئلہ میں تمام بیٹوں کےلیے ضروری ہے کہ وہ میت کی وراثت میں سے اپنا حصہ رکھ کر اپنی بہنوں کا مکمل شرعی حصہ دینا چاہتا ہے تو وہ اپنا حصہ رکھ کر بہنوں  کا حصہ ان کے حوالے کر دے اور  اس کو چاہیے کہ وہ اپنے دوسرے بھائیوں کو بھی سلیقے سے  قائل کرنے  کی کوشش کرے، یا پھر قانونی  دباؤ ڈال کر اپنی بہنوں کو ان کا حصہ دلانے کی جستجو کرے۔

 

﴿يُوصِيكُمُ ٱللَّهُ فِيٓ أَوۡلَٰدِكُمۡۖ لِلذَّكَرِ مِثۡلُ حَظِّ ٱلۡأُنثَيَيۡنِۚ﴾ [النساء: 11]