سوال

کارٹون کی ویڈیو شئیر کرنا جائز ہے یا ناجائز؟ اور اس سے ہونے والی کمائی حلال ہے یا حرام ہے؟ کارٹون میں میوزک،کارٹون کی شکل میں لڑکیاں ، لڑکی کی  آواز  اور کبھی ان لڑکیوں کے کپڑے بہت چھوٹے ہوتے ہیں، کبھی کبھاریہ  کارٹون مذاق یا  لڑائی جھگڑے پر مشتمل ہوتے ہیں۔ یاد رکھیے اس سب میں ہمارا کام صرف مارکیٹنگ  کرنا ہے، جبکہ میوزک اور اس کے علاوہ باقی لین دین سے ہمارا کوئی تعلق نہیں ہوتا۔

اَلجَوَابْ بِاسْمِ مُلْہِمِ الصَّوَابْ

 مارکیٹنگ (تشہیر )کے لیے ضروری ہے کہ جس چیز کی تشہیر کی جارہی ہے وہ  شرعی اعتبار سے جائزاور حلال  ہو ، ناجائز چیز کی  مارکیٹنگ سے اجتناب ضروری ہے۔صورت مسئولہ میں بتائے گئے کارٹون میں شرعی مفاسد مثلاً  لڑکیوں کی آواز ،چھوٹے کپڑوں میں لڑکیاں اور  میوزک  وغیرہ پائے جارہے ہیں ، لہٰذا ان چیزوں کے بنانے اور دیکھنے کی طرح ان کی ترویج اور تشہیر بھی شرعاً نا جائز ہے؛ اس لیے ایسے کارٹونو ں کی تشہیر گناہ ہے اور اس کی کمائی بھی  ناجائزہوگی۔

القرآن الکریم(02/05):

{وتعاونوا على البر والتقوى ‌ولا ‌تعاونوا ‌على ‌الإثم ‌والعدوان}