محترم مفتی صاحب!
کچھ دنوں بعد عید الاضحٰی آرہی ہے،اس سال میں نے زکوٰۃ بھی ابھی تک ادا نہیں کی،کیا میں قربانی کے گوشت کے ذریعے زکوٰۃ ادا کرسکتا ہوں؟یعنی میں جو قربانی کروں گا اسی کے گوشت کو زکوٰۃ کی مد میں کسی فقیر کو دے دوں،کیا اس طرح زکوٰۃادا کرسکتا ہوں؟
اَلجَوَابْ بِاسْمِ مُلْہِمِ الصَّوَابْ
قربانی اور زکوٰۃ دو علیحدہ علیحدہ فرائض ہیں،ان میں سے کسی ایک کی ادائیگی سے دوسرا فریضہ ادا نہیں ہوتا،لہٰذا مسؤلہ صورت میں قربانی کے گوشت کو زکوٰۃ کی مد میں دینے سے زکوٰۃ ادا نہیں ہوگی،الگ سے زکوٰۃ کی ادائیگی لازم ہوگی۔
حوالہ جات
الدر المختار وحاشية ابن عابدين (رد المحتار) (6/ 328)
وإذا دفع اللحم إلى فقير بنية الزكاة لا يحسب عنها في ظاهر الرواية.
