زیدلوگوں کے لئےتعویذ بناتاہے اس بناء پرکہ اللہ تعالی آپ کوبیٹادے گا،اس بات کاپہلے سے سوفیصدیقین دلاتاہے کہ اس سال یعنی اس حمل سے آپ کےگھربیٹاپیداہوگا اوراس یقین کی بناءپراس تعویذکوتین سے چارہزارروپے میں فروخت کرتاہے،سوال یہ ہے کہ اس طرح لوگوں کے لئے تعویذ خریدناجائزہے؟
اَلجَوَابْ بِاسْمِ مُلْہِمِ الصَّوَابْ
تعویذدینااورلینااس عقیدہ کے ساتھ کہ یہ تعویذضرور اثرکرے گا درست نہیں،کیونکہ تعویذ اپنی ذات کے اعتبارسے کوئی اثرنہیں رکھتا،اس میں اثراللہ تعالی کے ارادے اورمشیت کے ساتھ پیداہوتاہے، اس لئے تعویذدیتے وقت مذکورہ الفاظ سے بچناضروری ہے۔
