سوال

جنگ ،ایکسپریس،خبریں  اور نوائے وقت وغیرہ  اخبارات منگوانا ،دفتروں گھروں میں لگوانا کیسا ہے؟جبکہ ان سب میں بے ہودہ فلمی اشتہارات ،تقریبا ننگی خواتین فلمی اداکاراؤں ،ماڈلز کی تصاویر ہوتیں ہیں،جبکہ روزنامہ اسلام بھی موجود ہے ۔بسا اوقات فحش فلموں کے اشتہار  بھی ہوتے ہیں   ،جن سے بعض اوقات تصاویر دیکھ کر  بھی اشتعال پیدا ہوجاتا ہے۔کیا ایسی  چیزیں خریدنے میں رقم  مثلا 650  روپے ماہوار دینا جائز ہے؟

اَلجَوَابْ بِاسْمِ مُلْہِمِ الصَّوَابْ

اخبار خریدنے کا مقصد چونکہ حالات حاضرہ سے باخبر رہنا ہوتا ہے ،  اس لیے اخبار خریدنا  تو  جائز ہے، لیکن  تصویر والے اخبار کو پڑھنے کے بعد گھر میں باقی رکھنا  اور فحش تصاویر کو دیکھنا جائز نہیں ،گناہ ہے۔یہاں یہ بھی یاد رہے  کہ  اگر کسی شخص کو ان اخبارات میں  موجود بے ہودہ تصویروں کو دیکھنے کی وجہ سے شہوت میں پڑنے کا اندیشہ ہو تو   پھر اس کے لیے ایسے اخبار کا دیکھنا ہی جائز نہیں۔لہٰذا بہتر یہ  ہے کہ اخبارات سے اجتناب کرے صرف ضرورت کے وقت ہی خریدے۔

حوالہ جات

وقال اللہ تبارک و تعالی:وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا.

                                                            (سورۃ الإسراء:32)

وقال العلامۃ ابن کثیر رحمہ اللہ: ولا تقربوا الزنى إنه كان فاحشة وساء سبيلا.يقول تعالى ناهيا عباده عن الزنا، وعن مقاربته، ومخالطة أسبابه ودواعيه؛ (ولا تقربوا الزنى إنه كان فاحشة)، أي ذنبا عظيما، (وسآء سبيلا) أي وبئس طريقا ومسلكا.(تفسیر ابن کثیر:2/376)

وروی الإمام مسلم رحمہ اللہ عن عائشة رضی اللہ عنہا، قالت: دخل علي رسول الله صلى الله عليه وسلم وأنا متسترة بقرام فيه صورة، فتلون وجهه، ثم تناول الستر فهتكه، ثم قال: إن من أشد الناس عذابا يوم القيامة، الذين يشبهون بخلق الله.(الجامع الصحیح للمسلم:2107)

وقال العلامۃ الکاسانی رحمہ اللہ:وكذا النهي إنما جاء عن تصوير ذي           الروح ؛          لما روي  عن

علي رضي الله عنه  أنه قال: من صور تمثال ذي الروح ،كلف يوم القيامة أن ينفخ فيه الروح،

 وليس بنافخ ،فأما لا نهي عن تصوير ما لا روح له.(بدائع الصنائع:1/116)

                                                                                                                                محمد عثمان یوسف

                                                                                                              دارالافتاءجامعۃ الرشید کراچی

                                                                                                                                           25جمادی الثانیۃ 1441ھ

واللہ سبحانہ وتعالی اعلم