سوال

کیا فرماتے ہیں مفتیان کرام اس مسئلہ کے بارے میں کہ   "تحریم" نام کا معنی کیا ہے؟ کیا  یہ نام رکھنا جائز ہے؟

اَلجَوَابْ بِاسْمِ مُلْہِمِ الصَّوَابْ

تحریم کےمعروف  معنی ہیں:  "منع کرنا"، "حرام کرنا"۔ اس معنی کے اعتبار سے یہ نام رکھنا مناسب نہیں ہے۔بہتر یہ ہے کہ صحابیات کے ناموں میں سے کسی نام کا انتخاب کیا جائے، یا کوئی اچھا با معنی  نام رکھا جائے۔

حوالہ جات

عن أبي الدرداء رضی اللہ عنہ قال: قال رسول اللہ صلى الله عليه وسلم: إنكم تدعون يوم القيامة بأسمائكم، وأسماء آبائكم، فأحسنوا أسماءكم. (سنن أبي داود، حدیث نمبر: 4948)

 في لسان العرب:         التحریم: خلاف التحلیل   ، مادہ:  ح، ر، م  . (ص:848)

      و في الصحاح: مادہ:  (ح، ر، م  )  حرمہ الشئ یحرمہ حرما و حرمۃ و حریمۃ و حرمانا و تحریما، و أحرمہ أیضًا: اذا منعہ ایاہ.  و من ذلک قولہ تعالی:( و حرمنا علیہ المراضع من قبل) أي منعناہ منھن. (ص:723)

عبدالعظیم

دارالافتاء، جامعۃالرشید ،کراچی

18/جمادی الثانیہ    1443 ھ               

واللہ سبحانہ وتعالی اعلم