خدمت کی خلافت کاکیامطلب ہے ؟کیاایسی کوئی خلافت شریعت سے ثابت ہے ؟
اَلجَوَابْ بِاسْمِ مُلْہِمِ الصَّوَابْ
کوئی مسلمان حاکم مملکت کے انتظامی امورچلانے کے لئے اپناکسی کوجانشین بنادے یاکوئی صاحب نسبت بزرگ دینی تربیت کے لئے کسی کوتربیت اوربیعت کرنے کی اجازت دے دے تواس کوشرعی اورعرفی معنی میں خلافت کہاجاتاہے ،اس کے علاوہ اگرکوئی شخص کسی کو کسی خاص عمل کرنے کی اجازت دے ،مثلاکسی کے پاس کسی خاص بیماری کادم وغیرہ ہےتوہ کسی سکھادے اوراس کوسکھانے اوراس کے ذریعہ لوگوں کی خدمت کرنے کی تلقین کرے تواس کولغوی اعتبارسے توخلافت کہاجاسکتاہے ،لیکن مشہورمعنی کے اعتبارسے اس کوخلافت نہیں کہاجاتا،اس کوعرفی اعتبارسے اجازت سے تعبیرکیاجاتاہے ۔
