سوال

عرض  یہ  ہے کہ ہماری  والدہ کا انتقال   ہوا   ، ترکہ میں    10 ایکڑ  زمین چھوڑی     ہے  ،اور  وثاء  میں  ہم  6 بھائی  اور  4 بہنیں  ہیں   جن میں ایک بہن کا   انتقال   ہوگیا   اس کا ایک بیٹا  20 سال  کا زندہ  ہے ، اور  ہمارے والد بھی  حیات ہیں  ،میراث کی  تقسیم کسطرح  ہوگی ؟ اور  فوت شدہ بہن کا   حصہ  نکال کر   اس کے بیٹے کےحوالہ  کیاجائے  گا  یانہیں؟

اَلجَوَابْ بِاسْمِ مُلْہِمِ الصَّوَابْ

      صورت مسئولہ  میں  مرحومہ  کے انتقال کے وقت    مرحومہ کی ملکیت  میں   مذکورہ10 ایکڑ  زمین  ہے  اس کی  قیمت  لگالی جائے اور اس کے علاوہ منقولہ غیر منقولہ  جائداد  ،سونا  چاندی   ،نقدی  اور   چھوٹا بڑا  جو  بھی  سامان  تھا  سب مرحومہ کا ترکہ ہے ،   اس  میں سے  پہلےاگر مرحومہ کے ذمے  کسی  کاکوئی  قرضہ ہو تو کل مال سے   اس کو ادا  کیاجائے ،اس کے بعد  اگر مرحومہ  نے کسی  غیر وارث  کے حق  میں کوئی جائز وصیت  کی  ہو    تہائی مال کی حد تک اس پر  عمل کیائے ،اس  کے بعد  مال کو  مساوی  64 حصوں  میں تقسیم کرکے   شوہر  کو  16 حصے اور  چاروں  لڑکیوں میں سے ہر ایک کو   3،3 حصے  اور  چھ لڑکوں میں  سے  ہرایک  کو   6،6 حصے  دئے جائیں گے۔

اور فوت شدہ   بہن کا حصہ   اس کے  ورثاء  کو دیاجائے گا  تقسیم  کی صورت یہ  ہوگی  کہ اگراس کا   شوہر حیات  ہے  تو  چوتھائی  حصہ  اس کو  دیاجائے  گا    اور چھٹا  حصہ والد  کو بقیہ  لڑکے  کو  اگر  شوہر حیات نہیں ہے   تو  چھٹا  حصہ  والد  کو  بقیہ 5حصے   لڑکے  کو   دئے جائیں  گے۔

نوٹ؛ یہ  تقسیم  اس  صورت میں ہے  جبکہ آپ کی  والدہ   کاانتقال   آپ  کی  بہن سے  پہلے ہوا  ہو ،اگر  بہن  کا  انتقال پہلے ہوا  ہو  تو  اس کو  اپنی والد ہ کے ترکہ سے  حصہ  نہیں  ملے گا ۔

حوالہ جات

۰۰۰۰۰۰

احسان اللہ شائق عفا اللہ عنہ    

دارالافتاء جامعة الرشید     کراچی

۲۰ شوال  ١۴۴۴ھ

واللہ سبحانہ وتعالی اعلم