70442 | میراث کے مسائل | میراث کے متفرق مسائل |
سوال
میرا بیٹا وقاص طارق، میری بہو ندا وقاص، میری پوتی آئمہ وقاص اور میرا پوتا عالیان وقاص لاہور سے کراچی آتے ہوئے پی آئی اے کے طیارہ حادثے میں شہید ہو گئے تھے۔ میرا بیٹا وقاص اور بہو ندا دونوں ملازمت کرتے تھے۔
میرے بیٹے کا ایک فلیٹ کراچی میں ہے۔ اب اس کی شہادت کے بعد اس فلیٹ کا حق دار کون ہوگا؟
اَلجَوَابْ بِاسْمِ مُلْہِمِ الصَّوَابْ
جب کوئی شخص فوت ہو جائے تو اس کے مال سے اولاً اس کی تجہیز و تکفین کی جاتی ہے، پھر اس کا قرض ادا کیا جاتا ہے اور پھر اس کےایک تہائی مال کی حد تک اس کی وصیت پوری کی جاتی ہے۔ اس کے بعد جو مال بچے وہ ورثاء میں تقسیم ہوتا ہے۔ اس اصول کی روشنی میں سوال میں مذکور صورت میں آپ کے بیٹے کے اس فلیٹ کو اس کے دوسرے اموال کے ساتھ ملایا جائے گا اور پہلے اس کا قرض ادا کیا جائے گا، پھر اگر اس نے کوئی وصیت کی ہو تو ایک تہائی مال کی حد تک وہ پوری کی جائے گی اور اس کے بعد جو مال بچے وہ ورثاء میں ان کے حصوں کے بقدر تقسیم ہوگا۔ ورثاء میں سے کس کا کتنا حصہ ہوگا، اس کے لیے مرحوم کے ورثاء کی تفصیل معلوم ہونا ضروری ہے جو سوال میں مذکور نہیں ہے۔
حوالہ جات
يبدأ من تركة الميت بتجهيزه ودفنه على قدرها ثم تقضى ديونه، ثم تنفذ وصاياه من ثلث ماله، ثم يقسم الباقي بين ورثته۔۔۔.
(الاختيار لتعليل المختار، 5/85،ط: مطبعة الحلبي)
محمد اویس پراچہ
دار الافتاء، جامعۃ الرشید
تاریخ: 17/ ربیع الاول 1442ھ
واللہ سبحانہ وتعالی اعلم
مجیب | محمد اویس پراچہ | مفتیان | سیّد عابد شاہ صاحب / محمد حسین خلیل خیل صاحب |