سوال

امام رکوع میں ہو تو نووارد شخص کے لیے قیام کی فرض مقدار کیا ہو گی؟مثلا امام رکوع میں ہو اور مقتدی نے تکبیر تحریمہ کہہ کر ہاتھ باندھ لیے، اب کتنی دیر اس کو کھڑا ہونا ہو گا؟

اَلجَوَابْ بِاسْمِ مُلْہِمِ الصَّوَابْ

اگر امام رکوع میں ہو تو  نووارد شخص کے لیے صرف تکبیرِ تحریمہ قیام کی حالت میں کہنا فرض قیام کی ادائیگی کے لیے کافی ہے، اس کے فوراً بعد وہ رکوع کی تکبیر کہہ کر رکوع میں جاسکتا ہے، قیام کی حالت میں تکبیرِ تحریمہ کہنے کے بعد مزید کھڑا ہونے کی ضرورت نہیں۔

حوالہ جات

الدر المختار وحاشية ابن عابدين (1/ 444) دار الفكر-بيروت:

فلو كبر قائما فركع ولم يقف صح لأن ما أتى به القيام إلى أن يبلغ الركوع يكفيه قنية۔

 محمد نعمان خالد

دارالافتاء جامعۃ الرشیدکراچی

5/رجب المرجب 1442ھ

واللہ سبحانہ وتعالی اعلم