سوال

امام کا جنازہ پڑھاتے ہوئے اپنے کسی مقتدی  سے کہنا کہ اسپیکر وغیرہ کا انتظام نہ ہونے کی وجہ سے اور مجمع زیادہ ہونے کی وجہ سے آواز پہچنا چونکہ ناممکن ہے ، لہذا آپ اپنے موبائل کی آواز اونچی کر لیں اورمیں  اپنا موبائل جیب میں رکھوں گا تا کہ اس کے ذریعے آپ آواز سن کر تکبیر کہو اس طرح تین آدمی مقرر کرتا ہے، ایک مجمع کے آخر میں اورایک مجمع کے درمیان اور ایک ان دونوں کے درمیان  ،کیا ایسا کرنا جائز ہے؟ اور کیا اس طرح پڑھا گیا نماز جنازہ  ہوجائے گا؟اگر نہیں ہوا تو کیا سب کا نہیں ہوا یا جنہوں نے اس طرح موبائل کے ذریعہ پڑھی صرف ان کا نہیں ہوا؟ اور ایسی صورت میں اس طرح کرنے والے امام کا کیا حکم ہے؟ اور کسی کا نماز جنازہ ٹھیک نہیں ہوا تو ان جنازوں کو دوبارہ پڑھا جائے گا یا کہ نہیں ؟اور اس کے تدارک کی کیا صورت ہوگی؟

اَلجَوَابْ بِاسْمِ مُلْہِمِ الصَّوَابْ

آن لائن ( براہ راست)  ہونےکی صورت  میں موبائل فون وغیرہ چونکہ اصل آواز پہچانے اور منتقل کرنے کا آلہ ہے،نہ کہ آوازیا اصل آواز  کا عکس پیدا کرنےیا منتقل کرنےکا،لہذانماز جنازہ وغیرہ میں اس طرح دور تک آواز پہنچانا  درست ہے، اور اس عمل سے جنازے کی نماز کی صحت پر کوئی اثر نہیں پڑے گا۔لہذا سب نمازیوں کی نماز جنازہ درست ہوئی ہے۔

حوالہ جات

۔۔۔۔۔

نواب الدین

دار الافتاء جامعۃ الرشید کراچی

۱۷جمادی الثانیۃ ۱۴۴۲ھ

واللہ سبحانہ وتعالی اعلم