73337 | زکوة کابیان | ان چیزوں کا بیان جن میں زکوة لازم ہوتی ہے اور جن میں نہیں ہوتی |
سوال
میرا دوست بیرون ملک مقیم ہے اور وہاں کام کرتا ہے اس کا پاکستان میں گھر ہے ۔اس نے ایک نئی رہائشی کالونی میں گھر بنانے کے لئے پلاٹ خریدا ہے تاکہ بڑا گھر بنا سکے اور پاکستان آکر اچھا گھر بنا سکے اور کاروبار کرنے کے لئے صنعتی ایریا میں بھی ایک پلاٹ اپنا کام شروع کرنے کے لئے خریدا ہے۔ کیاان دونوں پلاٹس کی مالیت پر زکوۃ دینا ہو گی یا نہیں؟
اَلجَوَابْ بِاسْمِ مُلْہِمِ الصَّوَابْ
زکوۃ ایسے پلاٹ پر واجب ہوتی ہے جو تجارتی غرض یعنی آگے بیچنے کی نیت سے خریدا جائے اور یہ نیت برقرار بھی رکھی جائے یعنی ایسے پلاٹ پر زکوۃ واجب ہوتی ہے جس کو خریدنے سے یہ نیت ہو کہ اس کو بیچ کر نفع حاصل کیا جائے گا۔
مذکورہ صورت میں جس پلاٹ کو نئی رہائشی کالونی میں اس نیت سے خریدا ہے کہ اس پر گھر بنائے گا اس پر زکوۃ واجب نہیں ہوگی۔اسی طرح دوسرا پلاٹ جوصنعتی ایریا میں خریداہے وہ بھی چونکہ آگے بیچنےکی نیت سے نہیں خریدا بلکہ اس نیت سے خریدا ہے کہ اس پر اپناکام شروع کیاجائے گا اس لئے اس پر بھی زکوۃ واجب نہیں ہوگی ۔
حوالہ جات
بدائع الصنائع في ترتيب الشرائع (2/ 11)
(ومنها) كون المال ناميا؛ لأن معنى الزكاة وهو النماء لا يحصل إلا من المال النامي ولسنا نعني به حقيقة النماء؛ لأن ذلك غير معتبر وإنما نعني به كون المال معدا للاستنماء بالتجارة أو بالإسامة
بدائع الصنائع في ترتيب الشرائع (2/ 13)
إن كانت الدار معدة للتجارة فكان في المسألة روايتان ومشايخ بلخ كانوا يصححون رواية الجامع ويقولون: إن العين وإن كانت للتجارة لكن قد يقصد ببدل منافعها المنفعة فيؤاجر الدابة لينفق عليها والدار للعمارة فلا تصير للتجارة مع التردد إلا بالنية.
محمد عبدالرحمن ناصر
دارالافتا ءجامعۃالرشید کراچی
04/11/1442
واللہ سبحانہ وتعالی اعلم
مجیب | محمد عبدالرحمن ناصر بن شبیر احمد ناصر | مفتیان | آفتاب احمد صاحب / سیّد عابد شاہ صاحب |