سوال

ایک پیسہ  کا تعاون نہ کرنے کے باوجود اس مولوی حبیب اللہ کو اس میں اپنا حکم چلانا اور اپنی من مانی اور دخل اندازی کرنے کا حق  حاصل ہے کہ نہیں؟

اَلجَوَابْ بِاسْمِ مُلْہِمِ الصَّوَابْ

مولوی حبیب اللہ اس  مدرسہ کا متولی ہے اور مدرسہ کے متولی کا مدرسہ میں اپنا حکم چلانا  ،اپنی من مانی کرنا اور معاملات میں دخل اندازی کرنا جائز ہے بشرطیکہ یہ تصرفات مدرسے  کے مفاد کے خلاف نہ ہوں، محض مالی تعاون نہ کرنے کی وجہ سے کسی متولی کا وقف میں تصرف کاحق ختم نہیں ہو جاتا۔

البتہ اگر متولی کےلیے موقوفہ مدرسے کا انتظام و انصرام  خود سنبھالنا ممکن نہ رہے تو ایسے میں اس پر شرعا لازم ہے کہ کسی اور ایسے شخص کو اختیارات سونپ دے جو قابل اعتبار ہو۔

حوالہ جات

الأشباه والنظائر - حنفي (ص: 325)

المتولي على الوقف كالوصي كما في جامع الفصولين.

سعد مجیب

دارالافتاء جامعۃ الرشید کراچی

۴ رجب ۱۴۴۳

واللہ سبحانہ وتعالی اعلم