76427 | میراث کے مسائل | میراث کے متفرق مسائل |
سوال
سلام دعا کے بعد عرض ہیکہ اس مسئلہ کی وضاحت فرماکر حصے داروں کے حصص واضح کریں:
ایک مؤنث میت ہے ، اس کے چار بیٹے اور دو بیٹیاں ہیں، دوبیٹے اور ایک بیٹی ایک شوہر سے اور دو بیٹے اور ایک بیٹی دوسرے شوہر سے، مرحومہ کے دونوں شوہر وفات پا چکے ہیں، میت کا کل ترکہ 448800 یعنی چار لاکھ اڑتالیس ہزار آٹھ سو روپے ہیں۔
ازراہ کرم ان پیسوں میں تمام ورثہ کے حصص بتائیں!
اَلجَوَابْ بِاسْمِ مُلْہِمِ الصَّوَابْ
صورت مسؤلہ میں مرحومہ کے ترکہ کو دس حصوں میں تقسیم کیا جائے، جس میں سے ایک ایک حصہ بیٹیوں کو اور دودو حصے بیٹوں کو دیئے جائیں گے، فیصدی اعتبار سے تقسیم یوں ہوگی کہ ہر بیٹے کو ٪20 فیصد اور ہر بیٹی کو ٪10 فیصد دیئے جائیں گے، جس کے مطابق ہر بیٹی کو 44,880روپے دیئے جائیں گے اور ہر بیٹے کو89,760 روپے دیئے جائیں گے۔
حوالہ جات
القرآن الکریم
{ يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ} [النساء: 11]
محمدنصیر
دارالافتا ءجامعۃالرشید کراچی
23 ،شعبان المعظم،1443ھ
واللہ سبحانہ وتعالی اعلم
مجیب | محمد نصیر ولد عبد الرؤوف | مفتیان | سیّد عابد شاہ صاحب / محمد حسین خلیل خیل صاحب |