77022 | طلاق کے احکام | الفاظ کنایہ سے طلاق کا بیان |
سوال
میں اپنے شوہر سے فون پر بات کرہی تھی تو باتوں میں میرے شوہر نے کہا کہ میں کچن الگ نہیں کرتا اور نہ الگ گھر لے کر دینا ہے تو میں نے کہا کہ میں نےتمہارے ساتھ رہنا ہی نہیں ہے تو اس نے کہا مجھے تمہاری پرواہ نہیں ، میری طرف سے فارغ ہو تم۔ مفتی صاحب کیا اس طلاق ہوگئی ؟اگر ہوگئی ہے توکونسی طلاق ہوئی ہے؟ اور اس کا کیا حکم ہے؟
اَلجَوَابْ بِاسْمِ مُلْہِمِ الصَّوَابْ
صورت مسؤولہ میں اس لفظ کے کہنے سے ایک طلاق بائن ہوچکی ہےاوراسی شوہر سےعدت کے اندر اور عدت کے بعد بھی دوبارہ نکاح ہوسکتا ہےاور آئندہ شوہر کےصرف دو طلاق دینے سے ہی آپ اس پرہمیشہ کے لیے حرام ہوجاؤگی،لہذا نہایت احتیاط کی ضرورت ہے۔
حوالہ جات
۔۔۔۔۔
نواب الدین
دار الافتاء جامعۃ الرشید کراچی
۲ ذیقعدہ۱۴۴۳ھ
واللہ سبحانہ وتعالی اعلم
مجیب | نواب الدین صاحب | مفتیان | سیّد عابد شاہ صاحب / محمد حسین خلیل خیل صاحب |