سوال

مجھے ایک انشورنس کمپنی میں رسک انجینئر کے طور پر کام کرنے کا موقع دیا گیا ہے،میں انشورنس یا سود کے حساب کتاب میں شامل نہیں ہوں گا،میں آپریٹنگ پلانٹس (آئل ریفائنری اور کیمیکل پلانٹس)کے خطرے کی تشخیص کروں گا۔ اس معلومات کو انشورنس کے حساب کتاب کے لیے استعمال کیا جا سکتا ہے۔ کیا آپ مجھے بتا سکتے ہیں کہ کیا شریعت میں ایسا کام کرنا جائز ہے؟ آپ کا جواب میرے لیے فیصلہ کرنا آسان کر دے گا۔ جزاک اللہ خیر۔

اَلجَوَابْ بِاسْمِ مُلْہِمِ الصَّوَابْ

مذکورہ ملازمت وخدمت انشورنس کے ناجائز معاملے میں بالواسطہ   ملوث ہونے کی صورت ہے، لہذا یہ ملازمت اوراس کی تنخواہ اگرچہ حرام تو نہیں،لیکن ایک ناجائز معاملے میں ایک گونہ تعاون کی وجہ سے سخت ناپسندیدہ اور مکروہ عمل ضرورہے، لہذا دوسرے متبادل کی کوشش کریں۔ 

حوالہ جات

۔۔۔۔۔۔

نواب الدین

دار الافتاء جامعۃ الرشید کراچی

 ۸ ذیقعدہ۱۴۴۳ھ

واللہ سبحانہ وتعالی اعلم