سوال

نکاح فارم میں جن گواہوں کے نام لکھے جاتے ہیں،وہ بسا اوقات مجلس نکاح میں موجود نہیں ہوتے تو کیا ان کی غیر موجودگی میں پوری مجلس کے افراد کو گواہ بنایا جا سکتا ہے؟یا ان گواہوں کا ہونا ضروری ہے جن کا نام نکاح فارم میں لکھا گیا ہے ؟

اَلجَوَابْ بِاسْمِ مُلْہِمِ الصَّوَابْ

نکاح کے وقت دو گواہوں کا موجود ہوناشرط ہے،جب دوسرے لوگ موجود ہیں ،تو نکاح منعقد ہوجائے گا۔اگرچہ وہ لوگ جن کا نام نکاح فارم میں درج ہے،اس وقت حاضر نہ ہوں۔

حوالہ جات

وفی الشامیة(4/87):

(وشرط حضور شاہدین) أي یشھدان علی العاقدین، أما الشہادة علی التوکیل بالنکاح فلیست بشرط لصحّتہ کما قدّمناہ عن البحر وإنما فائدتھا الإثبات عند جحود التوکیل ۔

سید نوید اللہ

دارالافتاء،جامعۃ الرشید

23/جمادی الاولی1444ھ

واللہ سبحانہ وتعالی اعلم