سوال

ایک کمپنی   کہتی ہے کہ   آپ   ہمارے  لئے  مال فروخت کریں  اس میں   نفع  کے  ساتھ  آپ کو   2فیصد   بھی دیں  گے ، مثال  کے  طور پر ایک  چیز  کی  قیمت10  روپے  کی  ہے  ہم آپ کو  9 روپے میں  دیں  گے،آپ دس میں فروخت کریں  گے اسطرح  آپ کو  ایک   روپیہ  نفع ملے گا ۔اس کے بعد   جب  ایک  لاکھ  کا مال فروخت  ہوجائے  گا تو    اس پر  ہم آپ کو    نفع   /انعام  2 فیصد  دیں گے ۔سوال  یہ ہے کہ یہ  معاملہ جائز ہے یا نہیں ؟

اَلجَوَابْ بِاسْمِ مُلْہِمِ الصَّوَابْ

مذکورہ  صورت میں اگر کوئی  بندہ   محض  ایجنٹ کے  طورپر  کمپنی کے لئے   کا م کرتا ہے  کہ کمپنی کو   پیسے دیکر  مال  نہیں  خرید تا  بلکہ  کمپنی  کا مال فروخت  کرتا ہے  تو ایسی صورت میں ایک روپیہ  اور دو روپے  بھی  دونوں  اس  عمل کی اجرت  ہوگی   جو  کمپنی  کی طرف سے دو اوقات  میں ادا  کی جائے گی اور  یہ معاملہ  جائز قرار   پائے گا ۔اور اگر   ایجنٹ   باقاعدہ  پیسے  دیکر  مال  خرید کر آگے فروخت کرتا ہے  تو ایسی صورت  میں  کمپنی  جو  بعد میں  دو فیصد  ادا کریگی  اس کو  حط  ثمن   یعنی  ایجنٹ  ﴿کسٹمر ﴾کے لئے زیادہ  مال  کی  خریداری پر  قیمت  میں  رعا یت سمجھی جائے  گی اس کی بھی گنجائش  ہے  لہذا   یہ معاملہ جائز  ہے ۔ 

حوالہ جات

الدر المختار وحاشية ابن عابدين (رد المحتار) (5/ 156)

أما الإبراء المضاف إلى الثمن فصحيح ولو بهبة أو حط فيرجع المشتري بما دفع على ما ذكره السرخسي فليتأمل عند الفتوى بحر قال في النهر: وهو المناسب للإطلاق، وفي البزازية باعه على أن يهبه من الثمن كذا لا يصح ولو على أن يحط من ثمنه كذا جاز

الدر المختار وحاشية ابن عابدين (رد المحتار) (5/ 156)

 (قوله: وأما الإبراء المضاف إلى الثمن إلخ) تابع صاحب البحر حيث ذكر أولا صحة المبيع لو دينا لا عينا وعلله بما مر، ثم ذكر حط الثمن وهبته وإبراءه. وحاصل ما ذكره في البحر عن الذخيرة: أنه لو وهبه بعض الثمن أو أبرأه عنه قبل القبض فهو حط، وإن حط البعض أو وهبه بعد القبض صح، ووجب عليه للمشتري مثل ذلك، ولو أبرأه عن البعض بعده لا يصح،        

  احسان اللہ شائق عفا اللہ عنہ    

 دارالافتاء جامعة الرشید     کراچی

۹جمادی  الثانیہ ١۴۴۴ھ

واللہ سبحانہ وتعالی اعلم