سوال

بندہ کوغیرمدخول بہالڑکی کودی گئی طلاق کی ایک صورت کےبارےمیں آپ کی رہنمائی مطلوب ہے:(1)غیرمدخول بہالڑکی نےاپنی مرضی سےشوہرکوبتائےبغیرطلاق نامہ بنوایا:جس میں طلاق کےالفاظ حسبِ ترتیب یوں لکھےہوئےتھے:1)میں اپنی بیوی کوطلاق دیتاہوں2)میں اپنی بیوی کوطلاق دیتاہوں 3)میں اپنی بیوی کوطلاق دیتا ہوں۔شوہرنےسن کراس کےآخرمیں دستخط کردئیے،اب سوال یہ ہے کہ اس دستخط سےیہ تینوں طلاقیں جملۃً شوہرکی طرف منسوب ہوکر تینوں طلاقیں واقع ہوں گی،یاصرف پہلی طلاق واقع ہوکرلڑکی بائنہ ہوجائےگی؟نیزیہ بھی بتادیں کہ(2)دستخط کی کیاحیثیت ہے؟(3)آیااس سےوہ مضمون یکبارگی منسوب ہوتی ہےیاالفاظ کی ادائیگی کی طرح بالترتیب؟

اَلجَوَابْ بِاسْمِ مُلْہِمِ الصَّوَابْ

اس صورت میں ایک طلاق بائن واقع ہوگی، اس لیے کہ  کسی بھی تحریر پردستخط تحریری میں لکھی بات کااعتراف ہے،لہذاطلاق نامہ پردستخط سے اس کی  یکبارگی نسبت دستخط کرنے والے کی طرف ہوگئی،اب اس کےبعد تحریرمیں تین طلاقیں چونکہ متفرق لکھی ہوئی ہیں،لہذاجو حکم ان کےزبان سے بولنےکاہے،وہی حکم اس تحریرسےطلاقوں کےواقع ہونے کاہوگا،لان الکتابۃ فرع الخطابۃ،اورغیر مدخول بہا کو متفرق تین طلاقیں زبانی دینے صرف پہلی ہی طلاق سےوہ بائن ہوجاتی ہے۔

حوالہ جات

الفتاوى الهندية (1/ 373):

إذا طلق الرجل امرأته ثلاثا قبل الدخول بها وقعن عليها فإن فرق الطلاق بانت بالأولى ولم تقع الثانية والثالثة وذلك مثل أن يقول أنت طالق طالق طالق وكذا إذا قال أنت طالق واحدة وواحدة وقعت واحدة كذا في الهداية.

نواب الدین

دار الافتاء جامعۃ الرشید کراچی

۱۰جمادی الثانیۃ ۱۴۴۴ھ

واللہ سبحانہ وتعالی اعلم