سوال

کیا میں اپنی زکوۃ اپنے شوہر کو دے سکتی ہوں تاکہ وہ اپنا قرضہ اتار سکیں  اور کیا یہ ممکن ہے کہ میں اپنی زکوۃ اپنے جیٹھ کودوں اور وہ میرے شوہر کا قرضہ اتار دیں؟میرے جیٹھ بھی زکوۃ کے حقدار ہیں۔

اَلجَوَابْ بِاسْمِ مُلْہِمِ الصَّوَابْ

میاں بیوی ایک دوسرے کو اپنی زکوۃ نہیں دے سکتے اور کسی دوسرے کو رقم اگر باقاعدہ مکمل مالکانہ تصرف واختیار کے ساتھ دی جائے اور پھر وہ اپنے اختیار سے خودیا آپ کی ترغیب سے آپ کے شوہر کا قرضہ اتار دے تو یہ جائز ہے،لیکن کسی دوسرے کو محض اپنا نمائندہ بناکر رقم دیناکہ وہ آپ کے شوہر کا قرضہ اس رقم سے اتا ردے تو اس سے زکوۃ ادا نہیں ہوگی۔

حوالہ جات

۔۔۔۔۔۔۔

نواب الدین

دار الافتاء جامعۃ الرشید کراچی

۱۹جمادی الاولی ۱۴۴۲ھ

واللہ سبحانہ وتعالی اعلم