ہمارے دوست نے بتایاکہ 60 سال کےبعد لوگوں سے اگرکوتاہیاں ہوبھی جائیں، تواللہ پاک نظرانداز کردیں گے ،ان سے پوچھ نہ ہوگی ،کیایہ صحیح ہے ؟ انکے کہنے کایہ مقصد تھاکہ نمازکے لئے اگر وہ باریک دوپٹہ اوڑھ لیں،یاکوئی اورچھوٹی سے کوتاہی کی کہ ٹخنہ کھل گیاتواللہ پاک اس کونظر انداز کردیں گے ،ویسی سختی ان کے لئے نہیں جیساکہ جوانوں کے ساتھ ہے ۔کیایہ صحیح ہے ؟
اَلجَوَابْ بِاسْمِ مُلْہِمِ الصَّوَابْ
اتنی بوڑھی عورت جس کی طرف کسی کی رغبت نہ ہو،اس کے لئے صرف پردے کےحکم میں تخفیف ہے، نماز میں ستر(بدن ڈھانکنے )کی جو شرط ہے ،اس میں بوڑھی اورجوان عورت سب برابر ہیں ، سب کے لئے حکم ایک جیساہے ، بوڑھی عورت کے لئے بھی ضروری ہے کہ وہ باریک دوپٹہ نہ پہنے ،بلکہ ایساموٹادوپٹہ پہن کرنماز پڑھے جس سے بال نظرنہ آئیں ۔
حوالہ جات
قال رحمه الله ( وستر عورته ) لقوله تعالى { خذوا زينتكم عند كل مسجد } أي محل زينتكم والمراد ما يواري عورته عند كل صلاة إطلاقا لاسم الحال على المحل في الأول وعكسه في الثاني ولقوله عليه الصلاة والسلام { لا يقبل الله صلاة حائض إلا بخمار } أي البالغة ، والثوب الرقيق الذي يصف ما تحته لا تجوز الصلاة فيه ؛ لأنه مكشوف العورة معنى ۔
(تبيين الحقائق شرح كنز الدقائق - (ج 1 / ص 458)
ويستر عورته والعورة من الرجل : ما تحت السرة إلى الركبة والركبة من العورة
وبدن المرأة الحرة كله عورة إلا وجهها وكفيها وقدميها. ۔۔۔۔۔۔۔۔۔۔۔۔۔۔۔۔۔۔۔۔۔۔(الكتاب - (ج 1 / ص 52)
