پرندوں کی خشک بیٹ ،یاخشک گوبر وغیرہ انسان کے کپڑے یا جسم پر لگنے سے کپڑے اور جسم ناپاک ہوتے ہیں یانہیں؟اگر یہی خشک نجاست گوبر وغیرہ مسجد کے فرش یا قالین پر گر جائے تواسے فرش اور قالین ناپاک ہوتے ہیں یانہیں ؟
اَلجَوَابْ بِاسْمِ مُلْہِمِ الصَّوَابْ
مرغی ، بطخ ،مرغابی کے سوادیگر حلال پرندوں کی بیٹ پاک ہے، حرام پرندوں کی بیٹ ناپاک ہے ۔اس وضاحت کے بعد مسئلہ کا حکم یہ ہے کہ اگر کوا ،چیل وغیرہ حرام پرندوں کی خشک بیٹ یاخشک گوبر وغیرہ کسی کے جسم ،کپڑے میں لگے یا مسجد کے یا فرش پر گرے ،تو اس سے وہ چیزیں ناپاک نہیں ہونگی البتہ نفاست کا تقاضہ یہ ہےکہ نجاست کو دور کردیا جائے ،خصوصا چونکہ مسجد میں ناپاکی برقرار رکھنا جائز نہیں اس لئے فوری طور پر نا پاکی کو مسجد سے باہر نکال کر مسجد کو صاف کر لیا جائے ۔
حوالہ جات
واما خرء مایو کل لحمہ من الطیور سوی الدجا جة والبط والاوز ونحوھما فطاہر عندنا کا لحما مة والعصفور ﴿کبیری ١۴۷﴾
رد المحتار (2/ 482)
( وخرء ) كل طير لا يذرق في الهواء كبط أهلي ( ودجاج ) أما ما يذرق فيه ، فإن مأكولا فطاهر وإلا فمخفف ( وروث وخثي ) أفاد بهما نجاسة خرء كل حيوان غير الطيور
