60475 | شرکت کے مسائل | شرکت سے متعلق متفرق مسائل |
سوال
یہ معاہدہ ہوا تھا کہ کاروبار سے نفع سے زائد جتنی رقم جو شریک اٹھائے گا اس صورت میں اس زائد رقم کی تلافی کی ذمہ داری بھی اس شریک پر ہوگی، چنانچہ معاہدہ کے خلاف ایک عامل شریک نے سرمایہ میں سے 50 لاکھ روپے کی رقم کمپنی سے نکالی ہے، جسے اب وہ واپس نہیں کرتا۔ اس صورت میں اگر کاروبار میں نقصان ہوجائے تو تمام شرکاء نقصان میں برابر کے شریک ہوں گے؟ جبکہ ایک عامل شریک اور ایک غیر عامل شریک کمپنی سے کافی رقم نکال چکے ہیں جس کی وجہ سے کمپنی پر بوجھ آئے گا۔
اَلجَوَابْ بِاسْمِ مُلْہِمِ الصَّوَابْ
معاہدے کی خلاف ورزی کرتے ہوئے کسی بھی شریک کے لیے مشترکہ سرمایہ سے نفع سے زائد رقم لینا جائز نہیں۔ جس شریک نے مشترکہ سرمایہ سے نفع سے زیادہ جتنی رقم لی ہے اس کے ذمے لازم ہے کہ وہ فوری طور پر اس کو واپس کرے۔ اگر وہ رقم واپس نہیں کرتا تو دیگر شرکاء کو یہ اختیار حاصل ہے کہ اس کا حساب کتاب کرکے اس کو شرکت سے الگ کردیں۔
حوالہ جات
.
عبداللہ ولی
دارالافتاء جامعۃ الرشید کراچی
04/12/1438
واللہ سبحانہ وتعالی اعلم
مجیب | عبداللہ ولی | مفتیان | مفتی محمد صاحب / سیّد عابد شاہ صاحب |