قرآن کریم کی تفسیر اور قرآن سے متعلق مسائل کا بیان
متفرّق مسائل
سوال
کیا فرماتے ہیں علماءکرام اس مسئلہ کے بارے میں کہ چھوٹے سائز کا قرآن مجید جیب میں رکھنا صحیح ہے؟
اَلجَوَابْ بِاسْمِ مُلْہِمِ الصَّوَابْ
چھوٹے سائز کا قرآن مجید جیب میں رکھنا جائز ہے،البتہ جیب میں رکھ کر بیت الخلاء جانا بےادبی اور مکروہ ہے،لہذاایسی ضرورت کے وقت اسے کسی مناسب جگہ پر رکھ کر ضرورت پوری کرنی چاہیے۔نیز اگرقرآن پرغلاف سلائی کرکے چڑھایاگیا ہے تو اسی وضوء کی حالت میں ہی جیب میں رکھنا لازمی ہوگا اور اگر سلائی نہیں کیا بلکہ محض کپڑے میں لپیٹاگیا ہے تو پھر وضوء لازمی نہیں ہوگا۔
حوالہ جات
فی الفتاوی الہندیہ:" سئل الفقيه أبو جعفر رحمه الله تعالى عمن كان في كمه كتاب ،فجلس للبول: أيكره ذلك؟ قال: إن كان أدخله مع نفسه المخرج ،يكره...وعلى هذا إذا كان في جيبه دراهم مكتوب فيها اسم الله تعالى، أو شيء من القرآن، فأدخلها مع نفسه المخرج ،يكره."
(الفتاوی الہندیۃ:5/323،دار الفکر)
