مختلف بینکوں اور جدید مالیاتی اداروں کے سود سے متعلق مسائل کا بیان
سوال
سوال:کیا فرماتے ہیں علماءکرام اسلامک بینکنگ سے متعلق کہ کن کن بینکوں کے ساتھ ہر طرح کا معاملہ کیا جا سکتا ہے ۔مثلاً کرنا وغیرہ اور ایسے بینک کا براہ کرم نام ضرور لکھ دیں اور جواب تفصیل سے عطا فرمائیں کچھ دلیل بھی بھیج دیں تو نوازش ہو گی۔ اللہ آپکی مدد کرے ۔آمین
اَلجَوَابْ بِاسْمِ مُلْہِمِ الصَّوَابْ
الحمدللہ غیر سودی بینکاری سودکے خلاف علماء کا ایک اہم اقدام ہے۔جس کی حمایت تمام مسلمانوں کی مشترکہ ذمہ داری ہے۔
اسلامک بینکاری کا تمام کام مستند مفتیان کرام کی باقاعدہ نگرانی میں ہو رہا ہے۔اسلامک بینکنگ کے تحت کام کرنے والے تمام بینک سودی معاملات سے اجتناب کرتے ہوئے جائز کاروبار کرتے ہیں۔ لہذاجب تک مستند مفتیان کرام کی نگرانی میں کام جاری ہے اس وقت تک مکمل اطمینان کے ساتھ کسی بھی اسلامک بینک کے ساتھ تمام معاملات کیےجا سکتے ہیں۔
حوالہ جات
﴿أَحَلَّ الله البيع وَحَرَّمَ الربا﴾ )البقرة : 275 (
