سوال

میرااپنی بیوی ۔۔۔۔۔۔ سےجھگڑاہوا،جس کی وجہ سےمیری بیوی والدین کےگھرپھرتھی،لڑکی والےمجھےاپنےگھرلےگئے،اورلف شدہ اسٹام پیپرلےآئےکہ لڑکی کوطلاق دےدو۔بندہ چونکہ اردوپڑھنانہیں جانتا،اس وجہ سےبندہ کوعلم نہیں تھاکہ اسٹام پیپرمیں کیالکھاہے،انہوں نےخودپڑھ کرسنایا،البتہ اتناپتہ تھاکہ یہ طلاق کےپیپرہیں،تمام  لوگ لڑکی والوں کی طرف سےہی تھے،انہوں نےپریشرڈالا،پریشریہ تھاکہ جب تم دونوں کی نہیں بنتی توطلاق دیدو،ورنہ ہم عدالت سےطلاق دلوادیں گے۔

بندہ اس وقت شدیدغصےمیں تھااورہوش وحواس بھی بحال نہیں تھے،بندہ کنفیوزتھااورسمجھ نہیں آرہاتھاکہ طلاق دوں یانہ دوں۔لیکن وہاں موجود تمام لوگوں  کےاصرارکی وجہ سےمیں نےدستخظ کردیے۔

1. اب پوچھنایہ ہےکہ آیاطلاق ہوئی یانہیں؟
2. اگرطلاق ہوئی توکتنی طلاق ہوئی ؟
3. اگرطلاق ہوئی ہےتورجوع کی کیاصورت ہے؟
4. یادرہےکہ بندہ نےزبان سےطلاق کے الفاظ نہیں نکالے۔

اَلجَوَابْ بِاسْمِ مُلْہِمِ الصَّوَابْ

1،2،4 ۔ صورت مسئولہ میں چونکہ جان سےمارنےیابہت زیادہ نقصان پہنچانےکی دھمکی نہیں دی گئی،اورشوہرکویہ معلوم تھاکہ طلاق نامہ ہے،اوردستخظ کردیےتوایک طلاق بائن واقع ہوچکی ہے،اگرچہ شوہرکی نیت نہ ہو،کیونکہ اگرشوہراس پردستخظ نہ کرتاتولڑکی والوں کی طرف سےزیادہ سےزیادہیہ ہوتاکہ وہ عدالت سےطلاق دلواتے،اس کےعلاوہ ان کی طرف سےدھمکی نہیں دی گئی،اس لیےمذکورہ صورت میں ایک طلاق بائن واقع ہوچکی ہے۔

3 ۔ طلاق بائن کےبعدرجوع نہیں ہوسکتا،البتہ عدت کےاندراورعدت کےبعدباہمی رضامندی سےنئےمہرپردوبارہ نکاح ہوسکتاہے۔

حوالہ جات

"رد المحتار" 10 / 458:

وفي البحر أن المراد الإكراه على التلفظ بالطلاق ، فلو أكره على أن يكتب طلاق امرأته فكتب لا تطلق لأن الكتابة أقيمت مقام العبارة باعتبار الحاجة ولا حاجة هنا كذا في الخانية ۔

"الفتاوى الهندية " 8 / 365:

رجل أكره بالضرب والحبس على أن يكتب طلاق امرأته فلانة بنت فلان بن فلان فكتب امرأته فلانة بنت فلان بن فلان طالق لا تطلق امرأته كذا في فتاوى قاضي خان ۔                                                                         

محمدبن عبدالرحیم

دارالافتاءجامعۃالرشیدکراچی

3ربیع الاول 1442 ھج 

واللہ سبحانہ وتعالی اعلم