سوال

السلام علیکم و رحمۃاللہ و برکاتہ!

اگر مستقبل کے حوالے سے میں سوچتے ہوئے اکیلے میں اپنے آپ سے باتیں کرتے ہوئے کہوں کہ "میں جاکر اپنی بیوی سے کوئی بات کہوں گا ،اگر وہ مان گئی تو ٹھیک ورنہ میں واپس آکر اس کو ای میل کروں گا کہ میں آپ کے ساتھ رہنا نہیں چاہتا "۔

کیا اس طرح سوچنے سے نکاح پر کوئی اثر پڑا یا نہیں؟

اَلجَوَابْ بِاسْمِ مُلْہِمِ الصَّوَابْ

مذکورہ صورت میں طلاق واقع نہیں ہوئی کیونکہ صرف دل دل میں طلاق کےبارےمیں سوچنے سے طلاق واقع نہیں ہوتی ۔

 یاد رہے کہ" میں آپ کے ساتھ رہنا نہیں چاہتا "کہنے سے طلاق واقع نہیں ہوتی، اگرچہ زبان سے اس کا تلفظ بھی کیا گیا ہو ؛کیونکہ یہ خواہشِ طلاق کے الفاظ ہیں، اور محض خواہش سے طلاق واقع نہیں ہوتی۔

حوالہ جات

                    عن أبی ھریرۃ  قال:قال رسول اللہ ﷺ: "إِنَّ اﷲَ تَجَاوز عَنْ أُمتِي مَا حدثتْ بِهِ أنْفسهَا ما لَمْ تعمل أَو تتکلمْ"  قال قتادۃ:"إذا طلق فی نفسہ فلیس بشیء"۔

     ( الصحیح البخاری : رقم: 5269 )۔

    "(الطلاق، شرعا رفع قید النکاح فی الحال) فی البائن (أو المآل) بالرجعی (بلفظ مخصوص)

     ھوما  اشتمل علی الطلاق۔

    (الدر المختار مع رد المحتار:426/4   )۔

                  "قولہ(ورکنہ  لفظ مخصوص خال عن الاستثناء)ھو ما جعل دلالۃ علی معنی الطلاق من صریح ،أو کنایۃ ،وبہ ظہر أن من تشاجر مع زوجتہ  ، فأعطاھا ثلاثۃ احجارینوی الطلاق  ،ولم یذکر لفظا صریحا ولا کنایۃ لا یقع علیہ(الطلاق)۔

       (رد المحتار علی الدر المختار: 431/4)۔

نصیب اللہ    

                                                                                                                                               دارالافتاء جامعۃ الرشید کراچی  

18 ربیع الاول ۱۴۴۲ھ

واللہ سبحانہ وتعالی اعلم