سوال

میری شادی  تقریبا  4سال  قبل ....... کے ساتھ  ہوئی تھی ،  میں اپنے سسرال  میں تقریبا  چھ ماہ  رہی ہوں ، میرے  سسر کی میرے اوپر غلط نظریں  تھیں ،جس کا ذکر  میں نے  اپنے شوہر سے کئی مرتبہ کیا   تو اس  نے  مجھے ڈانت  دیا اور  کہا کہ  میرا  والد ایسا نہیں  ہے۔ ایک مرتبہ   جب  گھر میں کوئی  نہیں تھا  تو میرے سسر نے زبردستی   میرے ساتھ زنا کیا ،  جب سب گھر  پر آگئے  تو  میں انہیں بتایا   تو میرے شوہر نے اپنے  والد کو بہت برا بھلا کہا، اور  میرے ساس  نے بھی  میرے     سسر کو لعن طعن  کیا ،اس  کےبعد میری  ساس نے مجھے قسم دی  کہ یہ بات کسی کو  نہیں بتانا ورنہ ہماری   عزت  ختم ہوجائے گی ،اس کےبعد ہم گھر سے الگ  ہوگئے ،  اب  تقریبا نو ماہ  قبل  میرا بیٹا   پیدا  ہوا ہے ، اب مجھے معلوم ہوا ہے کہ میں  اپنے شوہر پر حرام  ہوچکی ہوں ،براہ  مہربانی  مجھے فتوی   جاری کیاجائے   کہ  مجھے اب اپنے شوہر کے ساتھ رہنا  چاہئے یانہیں ؟  بہت پریشان  ہوں

اَلجَوَابْ بِاسْمِ مُلْہِمِ الصَّوَابْ

حرمت  مصاہرت کا  مطلب یہ  ہے  کہ کوئی شخص  کسی عورت کے  ساتھ  شرعی نکاح کے بغیر جنسی تعلق قائم کرے ، یعنی زناکرے یازنا کے حکم کی کوئی حرکت کرے،  وہ  عورت چاہے  رشتہ دار ہو یا اجنبیہ ہو ۔اس سے چارطرح کے رشتے  حرام ہوجاتے ہیں مزنیہ پر زانی کے اصول ﴿باپ ، دادا﴾ فروع ﴿ بیٹا  پوتا ﴾اورمزنیہ کا اصول  وفروع  زانی پر  حرام ہوجاتے ہیں ۔میاں بیوی کے ایک دوسرے پرحرام ہونے کا مطلب  یہ ہے حرمت مصاہرت کےبعد  دونوں  آپس میں  میاں بیوی  کی  حیثیت سے  زندگی  نہیں گذار سکتے،یعنی  دونوں کےلئے ہمبستری کرنا حرام ہے۔

لہذا  صورت مسئولہ میں اگر سسر سے  واقعة  یہ گناہ  سرزد  ہواہے اور عورت کے قول کی شوہر تصدیق  بھی کررہاہے  تو اس سے مذکور خاتون اور اس کے شوہر میں حرمت مصاہرت  ثابت ہوگئی ، لہذا شوہرپر لازم ہے کہ اپنی  بیوی کو  طلاق  دے کر  آزاد کردے ، تاکہ   وہ طلاق  کی عدت گذار کرکسی   دوسری  جگہ  نکاح کرکے   جائزاور  حلال  ازداجی  زندگی گذار سکے ۔اگر  اس صورت میں واقعہ بتاکر  طلاق دینے میں فتنے کا اندیشہ  ہو تو  واقعہ  بتانا  ضروری نہیں ہے ، بلکہ  کسی اور  بات کو  بنیاد بناکر طلاق  دیدے،اور دونوں جدائی اختیار  کرلیں ، ورنہ  دونوں  حرام کام میں  مبتلا رہیں گے۔

جو بچہ پیدا ہو اہے اس کا نسب اسی شوہر سے ثابت ہوگا ،طلاق سے  جدائی کے بعد بچے کی عمر سات سال ہونے تک  بچہ ماں کی پرورش میں رہے گا خرچہ  باپ برداشت کرےگا ۔اس کے  بعد باپ  بچے کو اپنی پرورش میں لینے کاحقدار ہوگا۔

حوالہ جات

1 ۔   الدر المختار وحاشية ابن عابدين (رد المحتار) (3/ 33)

(قوله: وأصل ماسته) أي بشهوة قال في الفتح: وثبوت الحرمة بلمسها مشروط بأن يصدقها، ويقع في أكبر رأيه صدقها وعلى هذا ينبغي أن يقال في مسه إياها لا تحرم على أبيه وابنه إلا أن يصدقاه أو يغلب على ظنهما صدقه، ثم رأيت عن أبي يوسف ما يفيد ذلك. اهـ.

2۔  المستدرك على الصحيحين للحاكم مع تعليقات الذهبي في التلخيص (6/ 57، بترقيم الشاملة آليا)

حدثنا أبو الفضل محمد بن إبراهيم المزكي ثنا أحمد بن سلمة ثنا إسحاق بن إبراهيم أنبأ جرير عن منصور عن مجاهد عن يوسف مولى الزبير عن عبد الله بن الزبير قال : كانت جارية لزمعة يطأها و كانت تظن برجل آخر أنه كان يقع عليها فمات زمعة و هي حامل فولدت غلاما يشبه الرجل الذي كان يظن به فذكرت سودة للنبي صلى الله عليه و سلم فقال : أما الميراث فله و أما أنت فاحتجبي منه فإنه ليس لك بأخ

3۔الدر المختار وحاشية ابن عابدين (رد المحتار) (3/ 37)

(قوله: وبحرمة المصاهرة إلخ) قال في الذخيرة: ذكر محمد في نكاح الأصل أن النكاح لا يرتفع بحرمة المصاهرة والرضاع بل يفسد حتى لو وطئها الزوج قبل التفريق لا يجب عليه الحد اشتبه عليه أو لم يشتبه عليه. اهـ.

(قوله: إلا بعد المتاركة) أي، وإن مضى عليها سنون كما في البزازية، وعبارة الحاوي إلا بعد تفريق القاضي أو بعد المتاركة. اهـ.

وقد علمت أن النكاح لا يرتفع بل يفسد وقد صرحوا في النكاح الفاسد بأن المتاركة لا تتحقق إلا بالقول، إن كانت مدخولا بها كتركتك أو خليت سبيلك، وأما غير المدخول بها فقيل تكون بالقول وبالترك على قصد عدم العود إليها.

وقيل: لا تكون إلا بالقول فيهما، حتى لو تركها، ومضى على عدتها سنون لم يكن لها أن تتزوج بآخر فافهم. (قوله: والوطء بها إلخ) أي الوطء الكائن في هذه الحرمة قبل التفريق والمتاركة لا يكون زنا قال في الحاوي والوطء فيها لا يكون زنا؛ لأنه مختلف فيه، وعليه مهر المثل بوطئها بعد الحرمة ولا حد عليه ويثبت النسب. اهـ.                 

احسان اللہ شائق عفا اللہ عنہ    

       دارالافتاء جامعة الرشید    کراچی

۲۴ربیع الاول ١۴۴۲ھ

واللہ سبحانہ وتعالی اعلم