سوال

السلام علیکم و رحمۃاللہ و برکاتہ!

                    کیا فرماتے ہیں علماء کرام اور مفتیان کرام اس مسئلے کے بارے میں کہ ایک آدمی نماز پڑھ رہا تھا ، واجب کو ترک کرنے کی وجہ سے اس پر سجدہ سہو واجب ہوگیا اب جب وہ سجدہ سہو کرے گا تو ایک طرف سلام پھیرے گا یا دونوں طرف؟نیز یہ بھی بیان فرمادیں کہ کیا اس مسئلہ میں امام اور منفرد دونوں کا حکم ایک ہوگا یا الگ الگ؟

اَلجَوَابْ بِاسْمِ مُلْہِمِ الصَّوَابْ

سجدہ سہو میں راجح یہ ہے کہ ایک طرف سلام پھیر کر کیا جائے لیکن اگر کسی نے بھولے سے دونوں  طرف سلام پھیر لیا تو بھی سجدہ سہو کیا جائے گا اور نماز ہو جائے گی،امام اور منفرد دونوں کے لیے یہی حکم ہے۔

حوالہ جات

یجب بعد سلام واحد عن یمینہ فقط ؛لأنہ المعھود، و بہ یحصل التحلیل، وھو الاصح وعلیہ لو أتی بتسلیمتین سقط عنہ السجود"

(الدرالمختار: 2/540)

"قولہ واحد ھذا قول الجمھور منہم شیخ الاسلام ،و فخر الاسلام إلا أنہ مختار فخرالاسلام کونہ تلقاءوجھہ من غیر انحراف، و قیل : یأتی بالتسلیمتین وھو اختیار شمس الائمۃ. ( رد المحتار: 2/540)

"ویأتی بتسلیمتین ،ھو الصحیح ،کذا فی الھدایہ ،والصواب أن یسلم تسلیمة واحدة وعلیہ الجمھور، ویسلم عن یمینہ کذا فی الزاھدی ".

( الفتاوی الھندیہ: 1/139)

"(قولہ وھو [أی یأتی بتسلیمتین ] الصحیح، احتراز عما قالہ شیخ الاسلام و قیل :

الجمھور، و منھم فخرالاسلام إنہ یأتی بتسلیمة واحدة ثم اختار فخر الاسلام کونہا تلقاءوجھہ ولا ینحرف " (فتح القدیر: 1/437)

نصیب اللہ

                                                                                                                                 دارالافتاء جامعۃالرشید کراچی

29 ربیع الاول 1442ھ

واللہ سبحانہ وتعالی اعلم