سوال

رسول  اللہ  صلی اللہ  علیہ وسلم  کے  منصب  ثلاثہ  میں  سے ایک تزکیہ واحسان  ن بھی   ہے ، اب سوال  یہ  ہے کہ  تزکیہ  کا  مسنون طریقہ   کیا ہے ؟  یعنی  آپ  صلی اللہ علیہ وسلم  صحابہ  کرام  کا تز کیہ  کس طرح  فرماتے تھے ؟

اَلجَوَابْ بِاسْمِ مُلْہِمِ الصَّوَابْ

تزکیہ احسان کامطلب  یہ ہے کہ  شریعت  مطہرہ کے  ظاہری  اعمال ﴿ یعنی نماز ، روزہ زکوة،حج اسیطرح  نکاح وطلاق  ،خرید وفروخت ،کرایہ  داری اور قرض ،امانت  وغیرہ ﴾ کو شریعت کے مطابق انجام دہی کی  پابندی کرنا   اور  باطنی اعمال میں  عمدہ  اخلاق   صبر وشکر  ،زہد وتقوی ،محبت الہیہ ،صدق تفکر  فی  خلق اللہ  وغیرہ سے اپنے کو  اراستہ کرنا ،اور برے اخلاق  شہوت پرستی ،تکبر   عجب  وکبر  ،حب  جاہ  اور حب مال وغیرہ  سے اجتناب کرنے کی کوشش کرنا ۔

رسول اللہ  صلی اللہ  علیہ وسلم تزکیہ  اسی طرح  فرماتے تھے  کہ صحابہ کرام  کا  رسول اللہ صلی اللہ علیہ وسلم  کی صحبت  بابرکت  میں حاضری خود   اصلاح نفس کا   ایک موئثر ذریعہ  تھا ،پھر  آپ صلی اللہ  علیہ  کے ارشادات   اعمال  صالحہ  کی ترغیب اور منکرات سے بچانے  کی انتھک  کوششیں ، پھر صحابہ  کرام  کی کفار  کے  خلاف جہاد  میں  شرکت  اوراس کے  علاوہ   دیگر  مجاہدات  سے  ان کے  نفوس  قدسیہ  کی خود  بخود  اصلاح ہوتی تھی ۔ بیعت  خود  مقصود نہیں  ہے  بلکہ  اصلاح  نفس ہی  مقصود ہے ،اسی سے اخلاص  کی دولت ملتی ہے ، اخلاص کے بغیر  اعمال صالحہ  بے اثر ہوتے ہیں  ۔ اور کسی  شیخ  کامل سے اصلاحی تعلق قائم کرنے  اور ان کی  صحبت  میں  بیٹھنے کے التزام سے  نفس  کی اصلاح ہوتی ہے ، اس سے انسان  سلوک واحسان کے راستے طئے کرتا ہے ۔

{يَاأَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ (119)} [التوبة: 119]

گناہوں سے اجتناب اور اعمال کی پابندی کی  عادت  ڈالنے  کے لئےکسی متبع  سنت  شیخ سے  تعلق قائم کرنا  یہ  عمل خود  رسول اللہ  صلی اللہ  علیہ وسلم کی  تعلیمات  سے ثابت ہے ۔ اسی لئے  یہ عمل  مسنون ہے ۔

چناچہ  خود  رسول اللہ  صلی اللہ  علیہ  وسلم  سے  اعمال کی پابندی پر  بیعت لی ہے ۔

مشكاة المصابيح للتبريزي (1/ 4)

وعن عبادة بن الصامت قال : قال رسول الله صلى الله عليه و سلم وحوله عصابة من أصحابه : " بايعوني على أن لا تشركوا بالله شيئا ولا تسرقوا ولا تزنوا ولا تقتلوا أولادكم ولا تأتوا ببهتان تفترونه بين أيديكم وأرجلكم ولا تعصوا في معروف فمن وفى منكم فأجره على الله ومن أصاب من ذلك شيئا فعوقب به في الدنيا فهو كفارة له ومن أصاب من ذلك شيئا ثم ستره الله عليه في الدنيا فهو إلى الله : إن شاء عفا عنه وإن شاء عاقبه " فبايعناه على ذلك۔

پھر بیعت کاسلسلہ امت میں   حضرت  علی رضی اللہ  عنہ کے  توسط سے جاری ہو ا۔ رسول اللہ  صلی اللہ علیہ  وسلم سے  حضرت  علی کی طرف  ان سے حضرت حسن بصری  اور ان دیگر مشایخ کی طرف   ان شاء اللہ  تعالی یہ  سلسلہ  تا قیامت جاری رہے گا۔

تهذيب التهذيب لأحمد العسقلاني (8/ 405)

في هامش الخلاصة زاد هاهنا من تهذيب الكمال - وقال يونس بنعبيد سألت الحسن قلت يا أبا سعيد انك تقول قال رسول الله صلى الله عليه وسلم وانك لم تدركه قال يا ابن اخي لقد سألتني عن شئ ما سألني عنه أحد قبلك ولولا منزلتك مني ما اخبرتك اني في زمان كما ترى (وكان في عمل الحجاج) كل شئ سمعته أقول قال رسول الله صلى الله عليه وسلم فهو عن علي ابن أبي طالب غير اني في زمان لا

استطيع أن اذكر عليا اه‍. (*)

مزید  تفصیلات  کے لئے  ملاحظہ  فرمائیں  ﴿احسن الفتاوی  ج1 کتاب السلوک﴾

حوالہ جات

تهذيب التهذيب لأحمد العسقلاني (8/ 405)

في هامش الخلاصة زاد هاهنا من تهذيب الكمال - وقال يونس بنعبيد سألت الحسن قلت يا أبا سعيد انك تقول قال رسول الله صلى الله عليه وسلم وانك لم تدركه قال يا ابن اخي لقد سألتني عن شئ ما سألني عنه أحد قبلك ولولا منزلتك مني ما اخبرتك اني في زمان كما ترى (وكان في عمل الحجاج) كل شئ سمعته أقول قال رسول الله صلى الله عليه وسلم فهو عن علي ابن أبي طالب غير اني في زمان لا

استطيع أن اذكر عليا اه‍. (*)

مزید  تفصیلات  کے لئے  ملاحظہ  فرمائیں  ﴿احسن الفتاوی  ج1 کتاب السلوک﴾

احسان اللہ شائق عفا اللہ عنہ    

       دارالافتاء جامعة الرشید    کراچی

۲۴ جمادی  الاولی  ١۴۴۲ھ

واللہ سبحانہ وتعالی اعلم