سوال

جناب مفتی  صاحب  یہ پوچھنا  ہے  کہ میرے شوہرنے مجھے تین طلاقیں دی ہیں میرےسب بچے  بالغ ہیں ،سب ماں  کے ساتھ یعنی  میرے ساتھ  رہنا  چاہتے  ہیں ،اگر  میں اس گھر میں   بچوں کی پرورش کی  خاطر بچوں کے ساتھ رہوں شرط یہ ہے کہ  ان کا باپ  اس گھر میں  نہ ہو     تو  کیا  شوہر کی کمائی میرے لئے  حرام ہوگی؟

اَلجَوَابْ بِاسْمِ مُلْہِمِ الصَّوَابْ

جب آپ   کو  تین طلاقیں  ہوچکی ہیں    تو  سوال نمبر  ١کے ضمن میں اس کاحکم  مذکور ہوچکا ہے کہ  آپ  کے لئے   شوہر  کے ساتھ میاں  بیوی کی حیثیت سے  زندگی  گذارنا  ناجائز  اور حرام  ہے ، شوپر  کے ذمہ آپ کا نان  نفقہ  لازم  نہیں ،کیونکہ وہ آپ  کے لئے  ایک اجنبی شخص  ہے ،اس لئے  شوہر کی  اجازت  کے بغیر اس   کی کمائی  استعمال  کرنا آپ  کے لئے جائز  نہیں ۔  آپ  اس شخص  کے گھر میں  نہ  رہیں  بلکہ  بچوں  کے ساتھ  کسی  اور گھر  میں  الگ رہائش  اختیار  کریں ۔

حوالہ جات

000

احسان اللہ شائق عفا اللہ عنہ    

       دارالافتاء جامعة الرشید    کراچی

١۰ جمادی  الثانیہ١۴۴۲ھ

واللہ سبحانہ وتعالی اعلم