سوال

کیا فرماتے ہیں  مفتیانِ کرام اس مسئلہ کے بارے میں کہ اگر کوئی شخص باہر ملک میں رہتا ہو اور پاکستان میں پلاٹ وغیرہ خریدنے کے لیے اپنے کسی رشتے دار کو پیسے دے اور وہ رشتےدار تمام کاغذی کاروائی اپنے نام سے کرے تاکہ باہر والے بندے کو بوقت ضرورت یہاں آنے جانے کی زحمت نہ کرنی پڑےتو کیا یہ جائز ہے؟ اور پلاٹ وغیرہ کس کی ملکیت ہوگا؟ برائے مہربانی تفصیل سے وضاحت فرمادیں۔

اَلجَوَابْ بِاسْمِ مُلْہِمِ الصَّوَابْ

صورت ِمسئولہ میں اس طرح کسی کا وکیل بن کر پلاٹ کی خریداری اور اس کی رضامندی سے اپنے نام سے کاروائی کرناجائز ہے،اور پلاٹ اصل مالک کی ملکیت میں ہی رہے گا۔

حوالہ جات

قال العلامۃ فخر الدین الزیلعی رحمہ اللہ تعالی:(الوكالة بالبيع والشراء)… وبشراء عبد أو دار جاز إن سمى ثمنا وإلا، لا.(تبیین الحقائق:4/257-259)

قال الشیخ نظام الدین رحمہ اللہ تعالی:التوكيل بشراء عبد أو أمة أو دار، فإن بين الثمن أو النوع تصح. (الفتاوی الھندیہ:3/573)

قال العلامۃ الحصکفی رحمہ اللہ : (التوكيل صحيح) بالكتاب والسنة.....(وحقوق عقد لا بد من إضافته) أي ذلك العقد (إلى الوكيل، كبيع وإجارة وصلح، عن إقرار يتعلق به) ما دام حيا ولو غائبا.…وكله بشراء ثوب هروي أو فرس أو بغل صح ،وبشراء دار أو عبد جاز ،إن سمى .(الدر المختار:5/508،513،518)

عرفان حنیف

دارالافتاء،جامعۃالرشید،کراچی

  18جمادی الثانیہ/1442ھ

واللہ سبحانہ وتعالی اعلم