71506 | شرکت کے مسائل | مشترک چیزوں سے انتفاع کے مسائل |
سوال
سولر سسٹم کا مالک فصل در فصل پانچواں حصہ سولر سسٹم پر خرچ شدہ رقم کے عوض وصول کرتا ہے۔ اب پوچھنا یہ بھی ہے کہ دو تین فصلوں کے بعد سولر سسٹم پر خرچ شدہ رقم کم ہوتی جائے گی، جبکہ وہ بدستور ٹیوب ویل سے آدھا فائدہ حاصل کرتا رہے گا۔
اَلجَوَابْ بِاسْمِ مُلْہِمِ الصَّوَابْ
اگر دونوں کے درمیان ہر سال صرف متعین حصص کی بیع ہوتی ہو، مکمل سولر سسٹم فروخت نہ ہوتا ہو تو جب تک فریقین سولر سسٹم میں کسی بھی تناسب سے شریک ہوں، تب تک آپس کی رضامندی سے سولر سسٹم والے کا ٹیوب ویل سے آدھا فائدہ حاصل کرنا جائز ہے۔ اور جب ایک فریق کا حصہ مکمل طور پر دوسرا خرید لے گا، تب اُس کا حصہ بالکل ختم ہوجائے گا۔ اُس کے بعد مالک کی اجازت کے بغیر اُس کا استعمال درست نہ ہوگا۔
حوالہ جات
قال العلامۃ ابن عابدین رحمہ اللہ تعالی: أن الرواية المشهورة أنه لو كان له نصف الدار مثلا يسكنها كلها مدة بقدر حصته كنصف سنة ويتركها نصف سنة.(رد المحتار: 4/304)
صفی ارشد
دارالافتاء، جامعۃ الرشید، کراچی
20/جمادی الثانیہ/1442
واللہ سبحانہ وتعالی اعلم
مجیب | صفی ارشد ولد ارشد ممتاز فاروقی | مفتیان | فیصل احمد صاحب / شہبازعلی صاحب |