72135 | نماز کا بیان | مسافر کی نماز کابیان |
سوال
کیا فرماتے ہیں علماء کرام اِس بارے میں کہ ایک خاتون شادی ہونے کے بعد اپنے سسرال رخصت ہوکر چلی گئی۔ اب جب بھی وہ میکہ آئے گی تو نماز قصر کرے گی یا پوری پڑھے گی؟ واضح رہے کہ خاتون کا میکہ اور سسرال دونوں الگ الگ شہروں میں ہیں۔
اَلجَوَابْ بِاسْمِ مُلْہِمِ الصَّوَابْ
اگر خاتون کا میکہ اُس کے شوہر کے گھر سے اڑتالیس میل/ سوا ستتر کلومیٹر کے فاصلے پر ہو تو جب خاتون پندرہ دن سے کم ٹھہرنے کی نیت سے وہاں جائے گی تو قصر نماز پڑھے گی اور جب پندرہ یا اُس سے زیادہ دن ٹھہرنے کی نیت سے جائے گی تو مکمل نماز پڑھے گی۔
حوالہ جات
قال العلامۃ الحصکفي رحمہ اللہ تعالی: (الوطن الأصلي) هو موطن ولادته أو تأهله أو توطنه. (يبطل بمثله) إذا لم يبق له بالأول أهل، فلو بقي لم يبطل، بل يتم فيهما.(الدر المختار مع رد المحتار: 2/131)
قال العلامۃ ابن عابدین رحمہ اللہ تعالی: فلو كان له أبوان ببلد غير مولده، وهو بالغ ولم يتأهل به، فليس ذلك وطنا له، إلا إذا عزم على القرار فيه، وترك الوطن الذي كان له قبله. شرح المنية.(رد المحتار: 2/132)
صفی ارشد
دارالافتاء، جامعۃ الرشید، کراچی
15/ رجب /1442
واللہ سبحانہ وتعالی اعلم
مجیب | صفی ارشد ولد ارشد ممتاز فاروقی | مفتیان | فیصل احمد صاحب / شہبازعلی صاحب |