سوال

حضرات مفتیان کرام!شریعت مطہرہ کا درج ذیل مسئلہ کے بارے کیا حکم ہے؟میری تقرری بطور مدرس جامعہ ع ب ع لاہور میں ہوئی تھی اورصبح سے ظہر تک کا وقت طے ہوا تھا،عرصہ تین سال کے بعد مہتمم صاحب نے فرمایا کہ ہمیں آپ سے کوئی شکایت نہیں ہے،لیکن ہمیں ان مدرسین کی ضرورت ہے جو زیادہ وقت دے سکیں،اگر آپ زیادہ وقت دے سکتے ہیں تو ٹھیک،ورنہ آپ کوئی اور جگہ دیکھ لیں،امامت کی وجہ سے میں زیادہ وقت نہیں دے سکتا،اب اس صورت میں ادارے کی طرف سےمعزولی ہو گی؟یا میری طرف سے استعفی شمار ہو گا؟جبکہ میں ظہر تک کے وقت والے معاہدے پر قائم ہوں ۔ کیا شعبان،رمضان کی تنخواہ ادارے کے ذمہ لازم ہو گی یا نہیں؟ جب کہ اس بارے میں کوئی شرط طے نہیں ہوئی تھی۔

اَلجَوَابْ بِاسْمِ مُلْہِمِ الصَّوَابْ

اگر مدرسہ کے ساتھ عقد تدریس کا معاہدہ ماہانہ ہونے کی تصریح نہ ہو تو مدارس کے عرف عام کے مطابق آپ کا عقد تدریس مسانہہ ہوگا، لہذا مدرسہ کی طرف سے سال کے دوران خلاف ضابطہ  اخراج معزولی شمار ہوگی اور مدرسہ کے منتظم پر اپنے ذاتی رقم سے بقیہ مہینوں کا وظیفہ ادا کرنا لازم ہوگا اور سال کے اختتام پر یہ استعفاء شمار ہوگا اورچونکہ شعبان اور رمضان کذشتہ سال کا حصہ ہیں اس لیے شعبان اور رمضان کے وظیفہ کا استحقاق ہوگا۔(احسن الفتاوی:ج۷،ص۲۸۶)

حوالہ جات

۔۔۔۔۔۔۔

نواب الدین

دار الافتاء جامعۃ الرشید کراچی

۲۸رجب۱۴۴۲ھ

واللہ سبحانہ وتعالی اعلم