سوال

میں جس کمپنی میں کام کرتا ہوں اس کمپنی نے ملازمین کی ہیلتھ انشورنس کروائی ہے، ہیلتھ انشورنس کا پریمیم کمپنی ادا کرتی ہے، ملازمین کی تنخواہوں میں کو ئی کٹوتی نہیں کی جاتی۔ اب اگر ملاز م اپنے میڈیکل کے اخراجات ادا کرتا ہے تو وہ ملازم ہسپتال یا ڈاکٹر کو خود ادائیگی کرتا ہے، بعد میں اپنی انشورنس کمپنی سے وصول کرنے کے لیے رجوع کرتا ہے، انشورنس کمپنی اس کے نام کا چیک دیتی ہے۔

اَلجَوَابْ بِاسْمِ مُلْہِمِ الصَّوَابْ

1. مروجہ انشورنس کا طریقہ کار سود، جوا اور قمار پر مشتمل ہونے کی وجہ سے شریعت کی رو سے ناجائز ہے۔
2. لیکن اگر کمپنی اپنی طرف سے ملازمین کی انشورنس کرواتی ہے اور ملازمین سے کوئی کٹوتی بھی نہیں کی جاتی، تو کمپنی نے جتنا پریمیم ادا کیا ہے، اس حد تک ملازمین انشورنس کمپنی سے رقم لے سکتے ہیں، اس سے زیادہ نہیں۔
3. چونکہ عام حالات میں ملازمین کو اس بات کا مکمل علم نہیں ہوتا کہ کمپنی نے اب تک کتنا پریمیم ادا کیا ہے، دیگر ملازمین اب تک کتنا claim کر چکے ہیں اور کتنا باقی ہے۔ اس لیے بہتر یہی ہے کہ ایسے مشتبہ امور سے بچا جائے۔

حوالہ جات

{الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانْتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُولَئِكَ أَصْحَابُ النَّارِ هُمْ فِيهَا خَالِدُونَ} [البقرة: 275]

{ يَاأَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ} [المائدة: 90]

ناصر خان مندوخیل

دارالافتاء جامعۃالرشید کراچی

29/07/1442 ھ

واللہ سبحانہ وتعالی اعلم