سوال

لفظ متعلقہ اور مطلقہ کو عمومی طور پر لوگ جلدی میں ایک ہی طرح بول دیتے ہیں،متعلقہ کا مطلب وابستہ،جبکہ مطلقہ کا مطلب طلاق دینے والا ہے یا طلاق یافتہ کو کہتے ہیں،ایک آدمی نے مجھ سے پوچھا: مطلقہ آفیسر کون ہے؟میں نے جلدی میں کہا: مطلقہ آفیسر میں ہوں،میں دراصل درست طریقے سے کہنا چاہتا تھا،لیکن منہ سے مطلقہ نکل گیا کہ مطلقہ آفیسر ہوں، اس کی وجہ سے میری بیوی کو طلاق تو نہ ہوگی؟

اَلجَوَابْ بِاسْمِ مُلْہِمِ الصَّوَابْ

عربی گرائمر کی رو سے مطلقہ (لام کے فتحہ کے ساتھ) تو طلاق یافتہ عورت کے لیے استعمال ہوتا ہے،لیکن مُطَلِّقَہ(لام کے کسرہ کے ساتھ) یہ لفظ مستعمل نہیں،کیونکہ اس صورت میں اس کا معنی بنتا ہے طلاق دینے والی عورت،جبکہ عام طور پر طلاق کا اختیار عورت کو نہیں مرد کو ہوتا ہے اور مرد کے لیے یہ لفظ ہاء کے بغیر مُطَلِّق استعمال ہوگا۔

بہر حال مذکورہ صورت میں اس لفظ سے کوئی طلاق واقع نہیں ہوگی۔

حوالہ جات

....

محمد طارق

دارالافتاءجامعۃالرشید

02/ذی الحجہ1442ھ

واللہ سبحانہ وتعالی اعلم