74137 | جنازے کےمسائل | مردوں اور قبر کے حالات کا بیان |
سوال
زیارت قبور کے موقع پر قبروں پر پانی چھڑکنا شرعا کیسا ہے؟
اَلجَوَابْ بِاسْمِ مُلْہِمِ الصَّوَابْ
قبروں پر دفن کے متصل بعد پانی چھڑکنا تاکہ قبر کی مٹی نہ اڑے ثابت ہے،اسی طرح دفن کے کئی دن بعدبھی قبر کی مٹی کے دبانے کے لیے یا کسی قسم کی نجاست وغیرہ دور کرنے کے لیے بھی پانی ڈالنا جائز ہے ،لیکن اس کے علاوہ کسی خاص دن کی تعیین کرنا یا اس میں کوئی مستقل ثواب یا سنت سمجھنا یا یہ سمجھنا کہ اس عمل سے میت کو بھی کسی قسم کا فائدہ یا ٹھنڈک پہنچتی ہے تویہ عمل درست نہیں، بلکہ ایسی صورت میں یہ بدعت کے زمرے میں داخل ہوجائے گا۔(فتاوی عزیزی:ص۱۷۳،فتاوی محمودیہ:ج۹،ص۱۸۱)
حوالہ جات
۔۔۔۔۔
نواب الدین
دار الافتاء جامعۃ الرشید کراچی
۱۰صفر۱۴۴۲ھ
واللہ سبحانہ وتعالی اعلم
مجیب | نواب الدین صاحب | مفتیان | محمد حسین خلیل خیل صاحب / سعید احمد حسن صاحب |