سوال

کیا فرماتے ہیں علمائے کرام اس مسئلہ کے بارے میں کہ سونا یا چاندی کوجس  ریٹ میں خریدا ہے،اس پر زکات فرض ہوگی یا جس ریٹ میں بک رہا ہو، اس پر زکوۃ فرض ہوگی؟

اَلجَوَابْ بِاسْمِ مُلْہِمِ الصَّوَابْ

زکات کے باب میں جب بھی سونے،چاندی یا ضرورت سے زائد سامان وغیرہ کی قیمت لگائی جاتی ہے تو قیمت فروخت ہی لگائی جاتی ہے۔قیمت خرید لگانا درست نہیں۔سونا اور چاندی کی زکات میں مزید تفصیل یہ ہے کہ اگر کسی کی پاس صرف سونا ہے اور کچھ بھی نہیں تو اس پر زکات فرض ہونے کے لیے ضروری ہے کہ ساڑھے سات تولے سونا  ہو۔اسی طرح اگر صرف چاندی ہو تو اس پر زکات فرض ہونے کے لیے ساڑھے باون تولے چاندی کا ہونا ضروری ہے،پھر اس سونے یا چاندی  کا چالیسواں حصہ بطور زکات لازم ہوجاتا ہے۔اس صورت میں زکات کے ادائیگی کے دن حساب لگا لینا چاہیے کہ کتنا سونا یا چاندی ہے،پھر اس سونے یا چاندی کا چالیسواں حصہ بطور زکات دینا  لازم ہوگا۔اگر اس دن ادئیگی کرنی ہو  تواس چالیسویں حصے کی اسی دن کی قیمت معتبر ہوگی اور اگر کسی اور دن  ادئیگی کرنی ہو  تو  ادائیگی کے دن کی  قیمت معتبر ہوگی۔اگر سونے یا چاندی کے علاوہ  بقیہ اموال زکات بھی ہیں تو پھر زکات  والی  تاریخ کو کل سونے  اور چاندی کی بازاری قیمت لگائیں، پھر کل مال کی زکات 2.5 فیصد کے حساب سے روپوں میں طے کر لیں،پھر جس دن بھی ادا کرنی ہوتو اتنے روپے ہی ادا کرنے ہوں گے۔

حوالہ جات

قال العلامة  الزیلعي رحمه  الله:       قال   رحمه الله  : (والمعتبر وزنهما أداء ووجوبا) :أي يعتبر في الذهب والفضة أن يكون المؤدى قدر الواجب وزنا ،ولا تعتبر فيه القيمة، وكذا في حق الوجوب يعتبر أن يبلغ وزنهما نصابا ،ولا تعتبر فيه القيمة. (تبيين الحقائق:2/74)

     قال  العلامة   الکاساني   رحمه  الله :....وإنما  له  ولاية   النقل  إلى  القيمة  يوم الأداء  فيعتبر قيمتها  يوم الأداء،,والصحيح أن هذا مذهب جميع أصحابنا. (بدائع الصنائع:2/416)

                      وقال العلامة نظام الدين البلخي:وإن أدى القيمة تعتبر قيمتها يوم الوجوب؛ لأن الواجب أحدهما، ولهذا يجبر المصدق على قبوله، وعندهما يوم الأداء.وكذا كل مكيل أو موزون أو معدود.

 (الفتاوى الهندية:1/198)

                     وقال العلامة الحصكفي رحمه الله: (والمعتبر وزنهما أداء ووجوبا) لا قيمتهما.

             (الدرالمختار:2/227 )

            وایضا قال: (وجاز دفع القيمة في زكاة وعشر وخراج وفطرة ونذر وكفارة غير الإعتاق) وتعتبر القيمة يوم الوجوب، وقالا يوم الأداء.  وفي السوائم يوم الأداء إجماعا، وهو الأصح ، ويقوم في البلد الذي المال فيه ،ولو في مفازة ففي أقرب الأمصار إليه .(الدرالمختار:3/210)

                وقال العلامة ابن عابدين رحمه الله: ( ووجوبا) :أي من حيث الوجوب؛ يعني يعتبر في الوجوب أن يبلغ وزنهما نصابا.(ردالمحتار:2/227)

کاظم علی    

دارالافتاء جامعۃالرشید ،کراچی

52/صفر /1443ھ

واللہ سبحانہ وتعالی اعلم