سوال

کیا فرماتے ہیں مفتیان کرام اس مسئلہ کے بارے میں کہ  بلال ایک نا بالغ اور یتیم  بچہ ہے جو کہ اپنے ماموں کے زیرکفالت  ہے  اس دوران بلال  کو وراثت میں جو زمین ملی تھی  وہ بلال کے ماموں نے  بلال کی رضا مندی کے بغیر  ایک رفاہی ادارے کو ہسپتال کے لیے  وقف کردی  ۔ آیا  بلال کی زمین وقف ہو گئی یا نہیں ؟ جبکہ  بلال اب جوان ہے اور اسے اپنا گھر بنانے کے لیے  زمین کی ضرورت بھی ہے۔

اَلجَوَابْ بِاسْمِ مُلْہِمِ الصَّوَابْ

کسی دوسرے کا مال  وقف کرنا شرعا معتبر نہیں ،چاہے دوسرا بالغ ہو یا نابالغ۔نیز  نابالغ خود اپنا مال بھی وقف نہیں کرسکتا ، جب تک کہ وہ بالغ نہیں ہوتا ۔اگر وقف کرتے وقت زید نابالغ تھایا بالغ تھا لیکن اس کی اجازت کے بغیر زمین وقف کی گئی تو وہ وقف صحیح نہیں ہوا  ۔ماموں کو از خود یہ حق نہیں کہ وہ بھانجے کی زمین وقف کردے،لہذا سوال میں ذکر کردہ صورت میں وہ زمین بلال واپس لے سکتا ہے۔

حوالہ جات

قال العلامہ الحصکفي رحمة الله علیہ: قوله :(من أهلها) :وهو المسلم العاقل وأما البلوغ فليس بشرط لصحة النية والثواب بها، بل هو شرط هنا لصحة التبرع. (رد المحتار:(339/4

قال العلامۃابن ھمام رحمۃ اللہ: وأما شرطه فهو الشرط في سائر التبرعات من كونه حرا بالغا عاقلا.

(فتح القدیر: 6/200)

وفی الفتاوی الھندیۃ: وأما شرائطه (فمنها العقل والبلوغ) فلا يصح الوقف من الصبي والمجنون كذا في البدائع. (الفتاوی الھندیۃ:2/352)

قال العلامۃ ابن نجیم رحمۃ اللہ علیہ: وشرائطه أهلية الواقف للتبرع من كونه حرا عاقلا بالغا.(البحر الرائق:5/202)

محمد طلحہ شیخوپوری

دار الافتاء ،جامعۃ الرشید،کراچی

1 ربیع الثانی/1443ھ

واللہ سبحانہ وتعالی اعلم