سوال

خلع،تفریق اور فسخ نکاح میں کیا فرق ہے؟

اَلجَوَابْ بِاسْمِ مُلْہِمِ الصَّوَابْ

رشتہ ازدواج کو ختم کرنے کی تین صورتیں ہیں،جن میں سے ایک طلاق ہے،جس کی مختلف اقسام ہیں اور ہر قسم کا حکم الگ ہے،دوسری صورت خلع کی ہے جس میں بیوی شوہر کو کچھ عوض دے کر اس سے اپنی جان چھڑاتی ہے،ان دونوں صورتوں کا تعلق شوہر سے ہے،جبکہ تیسری صورت تفریق یا فسخ نکاح کی ہے جس کا حق شریعت نے قاضی کو دیا ہے کہ اگر شوہر نہ بیوی کو معروف طریقے سے ساتھ رکھ رہا ہو اور نہ طلاق اور خلع دے رہا ہو تو پھر قاضی کو شریعت نے بعض مخصوص صورتوں میں رشتہ ازدواج کو ختم کرنے کا اختیار دیا ہے،جسے فسخِ نکاح یا تفریق سے تعبیر کیا جاتا ہے۔

حوالہ جات

۔۔۔

محمد طارق

دارالافتاءجامعۃالرشید

12/جمادی الثانیہ1443ھ

واللہ سبحانہ وتعالی اعلم