سوال

اگر کسی شخص نے اپنی بیوی سے ہمیشہ کیلئے ظہار کیااور اسے اپنی بیوی میں کوئی دلچسپی بھی نہیں ہے اور وہ شخص کفارہ اداکرکے  رجوع بھی نہیں کرنا چاہتا تو اب یہ عورت کیا کرے یعنی اپنے آپ کو اس شخص سے کیسے جدا کرے؟

اَلجَوَابْ بِاسْمِ مُلْہِمِ الصَّوَابْ

اگر کوئی شخص اپنی بیوی سے ظہار کرنےکے بعد  کفارہ اداکرکے رجوع بھی نہیں کرتا،اور اسے طلاق بھی نہیں دیتا تو اس صورت میں اس خاتون کو چاہئے کہ وہ عدالت میں دو گواہوں کی گواہی سے اپنے شوہر کے خلاف حقوق زوجیت ادا نہ کرنے کی وجہ کو بنیاد بنا کر فسخ نکاح  کا دعوی دائر کرے، اور عدالت کے ذریعے  نکاح فسخ کروایے۔

حوالہ جات

بدائع الصنائع في ترتيب الشرائع (3/ 235)

والظهار لا يوجب نقصان العدد في الطلاق؛ لأنه ليس بطلاق ولا يوجب البينونة وإن طالت المدة؛ لأنه لا يوجب زوال الملك وإنما يحرم الوطء قبل التكفير مع قيام الملك وإن جامعها قبل أن يكفر لا يلزمه كفارة أخرى وإنما عليه التوبة والاستغفار ولا يجوز له أن يعود حتى يكفر۔

 محمدنصیر

 دارالافتا ءجامعۃالرشید کراچی

‏27، جمادی الثانیہ،1443ھ

واللہ سبحانہ وتعالی اعلم