76159 | نماز کا بیان | اوقاتِ نمازکا بیان |
سوال
کیا مغرب کی نماز کے ایک گھنٹے بعد عشاء کی نماز پڑھ سکتے ہیں؟
اَلجَوَابْ بِاسْمِ مُلْہِمِ الصَّوَابْ
عشاء کی نماز کو ٹھیک مغرب کی نماز کے ایک گھنٹے بعد پڑھنا موسم اور جگہ کی تبدیلی کی وجہ سے بسا اوقات درست معلوم نہیں ہوتا ہے کیونکہ ہمارے ہاں پاکستان میں اکثر وبیشتر مغرب اور عشاء کے وقت میں کم از کم سوا گھنٹہ (پچہتر منٹ) کا فاصلہ ہوتا ہے،اور زیادہ سے زیادہ ڈیڑھ گھنٹہ(نوے منٹ) کا فاصلہ ہوتا ہے، اگرچہ سوا گھنٹہ کے فاصلے کی صورت میں مغرب کے وقت کے داخل ہوتے ہی شروع کے پندرہ منٹ میں مغرب کی نماز اور سنتیں پڑھنے کے بعد ایک گھنٹے بعد عشاء کی نماز پڑھی جاسکتی ہے، لیکن ڈیڑھ گھنٹے کے فاصلے کی صورت میں شروع کے پندرہ منٹ میں نماز مغرب پڑھنے کے بعد عشاء کی نماز میں ایک گھنٹہ اور پندرہ منٹ کا فاصلہ رہ جاتا ہے، اس صورت میں ٹھیک مغرب کے ایک گھنٹے بعد عشاء کی نماز پڑھنا درست نہیں ہوگا، اس لئے بہتر یہی ہے عشاء کی نماز وقت داخل ہونے پر پڑھی جائے اور اسی کو معیار بنایا جائے نہ کہ مغرب کے بعد ایک گھنٹے کا اندازہ لگا کر عشاء کی نماز پڑھی جائے۔
حوالہ جات
القرآن الکریم، سورۃ النساء، 103
إن الصلاة كانت على المؤمنين كتابا موقوتا۔
محمدنصیر
دارالافتا ءجامعۃالرشید کراچی
07،رجب المرجب، 1443ھ
واللہ سبحانہ وتعالی اعلم
مجیب | محمد نصیر ولد عبد الرؤوف | مفتیان | آفتاب احمد صاحب / سعید احمد حسن صاحب |