سوال

عقیقے كا جانور ذبح كرنے كے بعد اس كے گوشت كا بہترین مصرف كیا ہے؟ آیا مدارس كے طلبہ كے لیے دیا جائے، یا پڑوسیوں اور دوست احباب میں تقسیم كیا جائے،یا دیگر غربا میں تقسیم كیا جائے؟ وضاحت مطلوب ہے۔

اَلجَوَابْ بِاسْمِ مُلْہِمِ الصَّوَابْ

عقیقہ کا گوشت سارا خود بھی کھاسکتا ہے اور اپنوں یاغیروں کو کھلابھی سکتا ہے، چاہے کچا تقسیم کرے یا پکا کر ،اور چاہے دعوت کر کے کھلائے سب درست ہے۔البتہ صدقہ کرنا زیادہ اولی ہے اور اس کا بہترین مصرف فقراء مساکین ہیں، بالخصوص جبکہ وہ وہ اہل قرابت واہل مدارس میں سے ہوں۔

حوالہ جات

الدر المختار وحاشية ابن عابدين (رد المحتار) (6/ 336)

وهي شاة تصلح للأضحية تذبح للذكر والأنثى سواء فرق لحمها نيئا أو طبخه بحموضة أو بدونها مع كسر عظمها أو لا واتخاذ دعوة أو لا۔

نواب الدین

دار الافتاء جامعۃ الرشید کراچی

۳شعبان۱۴۴۳ھ

واللہ سبحانہ وتعالی اعلم