سوال

عرض ہے کہ میرا نام سمیرا ولد وکیل احمد قریشی ہے، میری شادی عابد سے ہوئے دو سال ہوگئے ہیں ، شادی کے بعد سے لڑائی جھگڑے ہوتے  رہے،تقریباًڈیڑھ ماہ پہلے چھوٹی سی بات پر لڑائی ہوئی، غصہ میں آکر عابد ولد اسماعیل نے مجھے تین طلاق دے دی پھر میرے گھر والوں کو فون کرکے کہا کہ آکراپنی بیٹی لے جاؤ ورنہ ایسی جگہ غائب کروں گا کہ پتابھی نہیں چلے گا۔

اَلجَوَابْ بِاسْمِ مُلْہِمِ الصَّوَابْ

واضح رہے کہ غصہ کی حالت میں دی گئی طلاق بھی واقع ہوجاتی ہے اور عام طور پر طلاق غصے کی حالت میں ہی دی جاتی ہے،لہٰذاصورت مسؤولہ میں دی گئی تینوں طلاقیں واقع ہوچکی ہیں اور آپ اپنے شوہر پر حرام ہوچکی ہیں۔

حوالہ جات

بدائع الصنائع في ترتيب الشرائع (3/ 187)

وأما الطلقات الثلاث فحكمها الأصلي هو زوال الملك، وزوال حل المحلية أيضا حتى لا يجوز له نكاحها قبل التزوج بزوج آخر؛ لقوله - عز وجل - {فإن طلقها فلا تحل له من بعد حتى تنكح زوجا غيره} [البقرة: 230] ، وسواء طلقها ثلاثا متفرقا أو جملة واحدة.

محمد حمزہ سلیمان

دارالافتا ء،جامعۃالرشید ،کراچی

۱۹/شوال۱۴۴۳ھ

واللہ سبحانہ وتعالی اعلم