سوال

ایک لڑکی نے منت مانی تھی کہ اگر اس کی شادی ہوگئی تو وہ شادی کے بعد پانچ سال کے اندر اندر تین دن کا نفلی اعتکاف کرے گی،مگر اب پانچواں سال بھی گزرگیا اور اسے فرصت نہ ملی تو اب اس کی قضاء کا کیا طریقہ ہے؟

اَلجَوَابْ بِاسْمِ مُلْہِمِ الصَّوَابْ

اعتکاف کی نذر منعقد ہوجاتی ہے،لہذا اس لڑکی کے ذمے پانچ سالوں کے دوران اپنی نذر کو پورا کرنا لازم تھا،جسے پورا نہ کرنے کی وجہ سے وہ گناہ گار ہوئی،اب اس کی قضاء کا طریقہ یہ ہے کہ تین دن کا مسلسل اعتکاف کرے اور ان تین دنوں کا روزہ بھی رکھے،بغیر روزے رکھے تین دن صرف اعتکاف میں بیٹھنے سے نذر پوری نہیں ہوگی۔

حوالہ جات

"الدر المختار " (2/ 441):

"(وهو) ثلاثة أقسام (واجب النذر) بلسانه وبالشروع وبالتعليق ذكره ابن الكمال...

 (وشرط الصوم) لصحة (الأول) اتفاقا (فقط) على المذهب (فلو نذر اعتكاف ليلة لم يصح) وإن نوى معها اليوم لعدم محليتها للصوم أما لو نوى بها اليوم صح والفرق لا يخفى".

قال العلامة ابن عابدین رحمہ اللہ :" (قوله وشرط الصوم لصحة الأول) أي النذر حتى لو قال: لله علي أن أعتكف شهرا بغير صوم فعليه أن يعتكف ويصوم بحر عن الظهيرية".

"الدر المختار " (2/ 450):

"(ولزمه الليالي بنذره) بلسانه (اعتكاف أيام ولاء) أي متتابعة وإن لم يشترط التتابع".

محمد طارق

دارالافتاءجامعۃالرشید

26/شوال1443ھ

واللہ سبحانہ وتعالی اعلم