سوال

زکوة  کی رقم سے  اساتذہ  کرام کو  تنخواہ  دینا  جائز ہے  یا نہیں؟

اَلجَوَابْ بِاسْمِ مُلْہِمِ الصَّوَابْ

مدارس  میں زکوة  کی رقم  طلبہ  کے  طعام ،قیام ،اور  علاج  ومعالجہ جیسی ضروریا ت میں  خرچ  کرنا چاہئے ، جہاں  مستحق  طلبہ  نہ ہوں  وہاں  زکوة کی رقم  وصول نہ کی جائے ۔جس مدرسہ  میں  مستحق    طلبہ  اور طالبات  موجود  ہیں  وہاں  اگر مجبورا   زکوة کی رقم  طلبہ کے مصارف  کے علاوہ دیگر  مصارف  میں خرچ کرنے کی ضرورت  ہو  توشرعااس کی   گنجائش   کی دوصورتیں  ہوسکتی ہیں 1۔ کہ مستحق  طلبہ  سے توکیل کا  فارم  پر کروایا جائے اس  سے  مہتم  کو  اختیار  ہوگا 2۔ حیلہ  تملیک کی جائز صورت  اختیار کی جائے ، ان میں سے  کوئی  صورت  اختیار کئے بغیر زکوة  کی رقم  کو  براہ راست دیگر  مصارف  میں  خرچ کرنا جائز  نہیں۔

لہذازکوة  کی رقم  کو اساتذہ  کی  تنخواہوں کی مد میں  خرچ کر نا جائز   نہیں ہے ۔ اس سے  اجتناب کرنا لازم ہے۔

حوالہ جات

الدر المختار وحاشية ابن عابدين (رد المحتار) (2/ 344)

قوله: تمليكا) فلا يكفي فيها الإطعام إلا بطريق التمليك ولو أطعمه عنده ناويا الزكاة لا تكفي ط وفي التمليك إشارة إلى أنه لا يصرف إلى مجنون وصبي غير مراهق إلا إذا قبض لهما من يجوز له قبضه كالأب والوصي وغيرهما ويصرف إلى مراهق يعقل الأخذ كما في المحيط قهستاني وتقدم تمام الكلام على ذلك أول الزكاة.

احسان اللہ شائق عفا اللہ عنہ    

دارالافتاء جامعة الرشید     کراچی

۲محرم الحرام ١۴۴۴ھ
 

واللہ سبحانہ وتعالی اعلم